Dimitrovica

Dimitrovica emri mesjetar i qytetit të sotëm të Mitrovicës. Në regjistrimin e popullsisë që bënë autoritetet osmane është i shënuar si fshat me 12 shtëpi dhe 2 beqarë. Sipas të gjitha gjasave emrin e mori sipas kishës së Shën Mitrit e cila gjendej në territorin qendror të Mitrovicës së sotme. Dimitrovica u zhvillua brenda një kohe të shkurtër. Pas pak dekadash mori pamjen e një qyteti. Nga kronikat e kohës mësojmë se në vitin 1725 u ndërtua një xhami, hamami, sahat-kulla dhe qarshia. Dimitrovica është quajtur edhe “Qyteti nën kështjellë”.