Shoqata evropiane e universiteteve
Shoqata evropiane e universiteteve (European University Association - EUA, në anglisht) përfaqëson dhe përkrah mbi 850 institucione të arsimit të lartë në 47 vende, duke u ofruar atyre një forum për bashkëpunim dhe këmbim të informatave për arsimin e lartë dhe politikat hulumtuese. Anëtarë të shoqatës janë universitetet të përfshira në mësimdhënie dhe hulumtim, shoqatat kombëtare të rektorëve dhe organizatat e tjera që janë aktive në arsimin e lartë dhe në hulumtim.
Shoqata evropiane e universiteteve është rezultat i bashkimit ndërmjet Shoqatës së universiteteve evropiane dhe Konfederatës së konferencës së rektorëve të Bashkimit Evropian. Bashkimi ndodhi në Salamankë më 31 mars 2001.