Shtëpitë shkolla të familjes Mërnica
Shtëpitë shkolla të familjes Mërnica janë katër shtëpi private të cilat ndodhen në Vushtrri. Këto shtëpi gjatë viteve '90 kanë shërbyer si objekte shkollore për organizimin e procesit edukativ dhe arsimor. Shtëpitë e familjes Mërniica u shndërruan në një hapësirë për qëndresë kundër pushtuesit serbë në vitet 1990, kohë në të cilën priti qindra nxënës e mësimdhënës brenda hapësirave të saj.[1]
Vështrim Redakto
Në fillim të viteve 1990 nxënësit dhe mësimdhënësit kosovarë u përjashtuan nga objekte shkollore dhe nuk u lejohej hyrja në institucione arsimore. Si rezultat i kësaj u kërkuan dhe u gjetën alternativa, të cilat i lejonin të rinjtë të vazhdonin shkollimin dhe kjo ishte përdorimi i shtëpive dhe banesave private që u shndërruan në hapësira arsimore. Kështu kosovarët krijuan dhe mbajtën gjallë një sistem arsimor paralel pa patur ndërtesa të mirëfillta, libra apo mjete shkollore përgjatë vitete 90-të.
Kështu në vitin 1991, vëllezërit Mërnica (Halimi, Selimi, Tafili, Hajdari dhe Fadili) nga Vushtrria ofruan shtëpitë e tyre tre katëshe për nxënësit dhe stafin e Gjimnazit Muharrem Bekteshi në Vushtrri në mënyrë që ata të vazhdonin shkollimin. Kështu ndodhi që shtëpitë e vëllezërve Mërnica u bënë Shkollë e Mesme e Vushtrrisë, ku mësimi zhvillohej në dy ndërrime. [2]