Arturo Ui

Arturo Ui dramë e Bertolt Breht - Regjisor Piro Mani (1971). Bëhet fjalë për përkthimin dhe vëniene në skenë të dramës “Der aufhaltsame Aufstieg des Arturo Ui ist ein Theaterstück” të autorit Bertolt Brecht, shkruar më 1941. Historia e një karriere që mund të frenohej. Pjesa dramatike është shkruar në stil të përzier, vargje dhe prozë, vë në qendër figurën më të urryer të shekullit, Adolf Hitlerin. Titulli i plotë i pjesës në origjinal është :”Ngjitja e përballueshme e Arturo Uisë”, çka shpreh idenë themelore se ardhja në pushtet e Hitlerit (ndryshe Uisë), nuk ishte e papërballueshme, nëse njerëzit do të kishin pasur më shumë guxim dhe shpirt kritik, për të kuptuar se ku po i çonin ngjarjet, gjithçka do të ishte përballuar në kohë dhe bota do të kishte ndjekur një tjetër rrjedhë, duke shpëtuar jetën e shumë personave. Ngjarjet e dramës i referohen periudhës historike nga djegia e Parlamentit Gjerman, Rajshtagut, në shkurt 1933, deri në aneksimin e Austrisë nga Hitleri, në mars të vitit 1938. Pra, periudhën kur ngjitja në pushtet e Hitlerit ishte ende “e përballueshme”. Brehti parapëlqen të mos i paraqesë ngjarjet dhe personat historikë në mënyrë të drejtpërdrejtë, por e vendos dekorin në Çikago, qendër e gangsterizmit amerikan të viteve tridhjetë të shekullit XX. Lufta për pushtet jepet në formën e luftës së egër mes trusteve të zarzavateve. “Dhe ju mësuat ç’do të thotë kur bën sehir njeriu. Nuk duhet folur shumë, por duhet vepruar. Gjithë bota u qeveris nga një monstër si ky këtu! Popujt ia shtypën kokën.”

" Unë erdha midis njerëzve në kohën e revoltës dhe së bashku me ta u revoltova. Kështu kaloi koha, që m'u dha në këtë tokë..."

Interpretojnë

Vilson Gjocaj, Ahmet Pasha, Lazër Filipi, Ndrek Shkjezi, Qenan Toro, Tomorr Guçe, Shkëlqim Basha, Pjetër Gjoka, Gjovalin Gjoka, Kadri Roshi, Luan Qerimi, Pandi Siku, Fatos Haxhiraj, Prokop Mima, Ndrekë Luca, Xhemil Tagani, Antoneta Papapavli, Esma Agolli, Xhafer Xhafa, Avni Rada, Mhill Pali, Sulejman Pitarka, Avni Resuli, Sheri Mita, Lazër Vlashi, Sulejman Dibra, Avni Resuli, Reshat Arbana, Sandër Prosi, Roland Trebicka, Gjon Karma, Anastas Kristofori, Violeta Manushi, Drita Pelingu, Margarita Xhepa, Mimika Luca, Hasan Fico.

Shiko edhe këtë

• 100 librat e shekullit sipas Le Monde