Dita Ndërkombëtare e Gjuhës Amtare

Dita Ndërkombëtare e Gjuhës Amtare (International Mother Language Day - IMLD) është një ditë ndërkombëtare ceremoniale e shpallur nga UNESCO në vitin 1999. Si e tillë ajo festohet më 21 shkurt të çdo viti. Qëllimi i caktimit të saj është promovimi dhe ndërgjegjësimi për diversitetin gjuhësor dhe kulturor si dhe promovimin e shumëgjuhësisë.

PërmbledhjeRedakto

21 shkurti edhe zyrtarisht është pranuar nga Asambleja e Përgjithshme e Kombeve të Bashkuara me një rezolutë të veçantë. Data 21 shkurt është caktuar për të përkujtuar ditën e protestave të studentëve të Univesitetit Dhaka me origjine nga Bengali, të cilët qenë konfrontuar me policët pakistanez derisa protestonin për të drejtën e gjuhës së tyre bengaleze që të pranohet si gjuhë zyrtare.[1] [2][3]

Që nga viti 1999 kur UNESCO kishte shpallur 21 shkurtin ditë ndërkombëtare të gjuhës amtare, çdo vit në mbarë botën organizohen manifestime, organizime në nivel kombëtar e ndërkombëtar, me qëllim të ruajtjes dhe promovimit të gjuhëve amtare.

Gjuha është pjesë e pandashme e identitetit të një populli me anë të së cilës shprehet shpirti dhe kultura e tij. Gjuha e një populli, zhvillimi i saj, e folura e tij, dashuria ndaj saj dhe promovimi i saj tregon, në fakt, kulturën që mbretëron brenda pjesëtareve të atij populli, asaj shoqërie.

Shih edheRedakto

ReferimetRedakto

  1. ^ "Links to documents". Un.org (në anglisht). 9 shtator 2002. Marrë më 2016-07-02.
  2. ^ Ingles. Cuerpo de Maestros. Temario Para la Preparacion de Oposiciones .e-book, (në spanjisht). MAD-Eduforma. ff. 97–. ISBN 978-84-665-6253-9.
  3. ^ Rahim, Abdur (19 shtator 2014). Canadian Immigration and South Asian Immigrants (në anglisht). Xlibris Corporation. ff. 102–. ISBN 978-1-4990-5874-1.

Lidhje të jashtmeRedakto

Marrë nga "https://sq.wikipedia.org/w/index.php?title=Dita_Ndërkombëtare_e_Gjuhës_Amtare&oldid=2194190"