Harta memece është një lloj harte në të cilën janë të paraqitura disa të dhëna bazë, zakonisht të relievit mbi të cilat në bazë të metodave dhe veprimeve të caktuara që rrjedhin nga teknika e përpunimit të hartave ndërtohen harta të ndryshme politike, fizike, ekonomike etj. me të dhëna të plota varësisht nga lloji i hartës me toponime fizike, gjeografike apo të dhëna tjera informative për lexuesin e hartës.

Hartat memece elektronike janë të ngjajshme me ato në letër. Dallimi i saj është mundësia dhe tolerancat e shumta që i mundësojnë teknologjia kompjuterike. Në internet nga shumë institute arsimore me qëllim të ofrimit të materialit për nxënësit janë prezantuar disa lloje të tyre. Në Media Wiki p.sh që nga viti 2005 është futur në përdorim një funksion "plaso dhe shëno" i cili e bënë të mundshme që të bëhen mbishkrime mbi figurat e prezantuara. Ky funksion mundëson që në tabela të futet harta memece si figura të cilat plotësohen nga redaktorët d.m.th. shënimi dhe plasimi i toponimeve sipas dëshirës.