Laraska

Laraska
	In Yellowstone Bear World (near Idaho Falls)
Klasifikimi shkencor
Mbretëria:	Animalia
Filumi:	Chordata
Klasa:	Aves
Rendi:	Passeriformes
Familja:	Corvidae
Gjinia:	Pica
Lloji:	P. hudsonia
Emri binomial
	Pica hudsonia; Sabine, 1823

Laraska (Pica hudsonia)

Gjatësia

44-46 cm, krahët e hapur: 52-60 cm.

Përshkrimi

Bishti përfaqëson gjysmën e gjithë gjatësisë së shpendit. Është i pangatërrueshëm për shkak të kontrastit bardh e zi të puplave dhe formës së gjatë dhe elegante. Në distanca të afërta, puplat duken ngjyrë jeshile e shndritshme, vjollcë dhe blu e feksur. Sjelljet e tyre shoqërore janë magjepsëse. Në fund të dimrit dhe në fillim të pranverës grumbullohen në tufa të mëdha, por më shpesh qëndrojnë në çift.

Përhapja dhe habitati

I gjen në një shumëllojshmëri habitatesh duke filluar nga tokat bujqësore me gardhe të mëdha e të dendura e deri tek parqet pranë qendrave të banuara e qyteteve.

Riprodhimi

Foletë i ndërtojnë në pemë, ose në shkurre të larta. Ato janë tepër karakteristike: të mëdha në trajtë të rrumbullakët. Hapësira brenda i ngjan një dhome ku shpendi lëshon 5-8 vezët që bën. Ngrohja e tyre nis në prill dhe vezët çelin pas 17-18 ditësh. Të vegjlit kanë bisht më të shkurtër se prindërit e tyre dhe janë në gjendje të fluturojnë plotësisht pas 24-30 ditësh.

Ushqimi

Ushqehen me insekte, megjithëse herë pas here ushqehen edhe me shpend të vegjël dhe vezë. Rrallë hanë edhe kafshë të ngordhura, drithëra, fara etj.

Zëri

I fortë dhe i ngjirur, kurse kënga ngjan si: “çatçatçatçatçatçatçak”.