Spiro G. Koleka: Dallime mes rishikimesh

Veprimtar i lëvizjes kombëtare dhe demokratike, Spiro Jorgo Koleka lindi në Vuno të Himarës (1880-1940) në një familje të pasur. Pasi kreu studimet e larta për inxhinieri ndërtimi në Austri mori pjesë aktive në jetën politike shqiptare. Më 1914 ishte pjesë e delegacionit që i dorëzoi princ Vidit kurorën e Shqipërisë në Neuwied të Gjermanisë. U zgjodh anëtar i Këshillit Kombëtar në Kongresin e Lushnjës më 1920 dhe për një kohë të shkurtër nënkryetar i tij. Ishte Ministër pa portofol në qeverinë e Sulejman Delvinës. Ishte një nga iniciatorët e Luftës së Vlorës dhe luajti një rol të veçantë si ndërmjetës midis Komitetit të Mbrojtjes Kombëtare dhe qeverisë së Tiranës. Deputet në Parlamentin Shqiptar (1921-1923) dhe Ministër i Punëve Botore në disa qeveri në periudhën dhjetor 1921-shkurt 1924 e më pas Prefekt i Korçës. Pas kthimit të Zogut në pushtet në fund të vitit 1924 u largua nga Shqipëria dhe jetoi në Austri, Kroaci, Itali e Greqi. U kthye në Shqipëri në vitin 1939. Fashistët i ofruan disa poste të cilët nuk i pranoi. Jetoi deri në fund në Ujë të Ftohtë të Vlorës në pronat e familjes së tij ku zhvilloi veprimtari antifashiste.<br />▼