Shkenca kognitive: Dallime mes rishikimesh

'''Shkenca kognitive''' është studimi shkencor ndërdisiplinor i [[Mendja|mendjes]] dhe proceseve të saj. Ajo shqyrton se çfarë është [[njohja]], për çfarë shërben dhe si funksionon. Shkenca kognitive përfshin hulumtimin e [[Inteligjenca|inteligjencës]] dhe [[Sjellja|sjelljes]], duke u koncentruar veçanërisht në atë se si informacioni përfaqësohet, procesohet, dhe transformohet (në fushat si [[përceptimi]], [[Gjuha (komunikim)|gjuha]], [[kujtesa]], [[arsyeja]], dhe [[emocioni]]) brenda [[Sistemi nervor|sistemit nervor]] (te njeriu apo kafshët tjera) dhe makinave (p.sh. [[kompjuteri]]). Shkenca kognitive përbëhet nga disiplina të shumta hulumtuese, duke përfshirë [[Psikologjia|psikologjinë]], [[Inteligjenca artificiale|inteligjencën artificiale]], [[Filozofia|filozofinë]], [[Neuroshkenca|neuroshkencën]], [[Gjuhësia|gjuhësinë]], dhe [[Antropologjia|antropologjinë]]. Ajo përfshin shumë nivele të analizës, duke filluar nga [[mësimi]] i nivelit të ulët dhe mekanizmat e vendimmarrjes deri te [[logjika]] e nivelit të lartë dhe planifikimi; nga qarqet nervore në organizimin modular të [[Truri|trurit]]. Koncepti fundamental i shkencës kognitive është që mendimi më së miri mund të kuptohet nëpërmjet strukturave përfaqësuese të mendjes dhe procedurave kompjuterike që operojnë në ato struktura.