Zemra: Dallime mes rishikimesh

Në trupin e njeriut, zemra ndodhet në mediastinum, 2/3 majtas dhe 1/3 djathtas nga qendra. Mediastinum është pjesa qendrore e [[Zgavra e kraharorit|zgavrës së kraharorit]] që kufizohet nga dy mushkëritë, [[kafazi i kraharorit]] dhe shpinë. Zemra është e mbështjellë nga një qeskë të me mur të dyfishtë të quajtur cipë e zemrës. Pjesë sipërfaqësore e kësaj qeske quhet perikard fibroz. Kjo qeskë e mbron zemrën, mban strukturat përreth saj, dhe parandalon tejmbushjen e zemrës me gjak. Madhësia e zemrës është afërsisht sa madhësia grushtit dhe ka një masë midis 250 dhe 350 gram. Zemra është e përbërë nga tri shtresa, të cilat janë të pasura me enë gjaku. Shtresa sipërfaqësore, e quajtur shtresa e organeve të brendshme, shtresa e mesme, e quajtur myocardium, dhe shtresa e tretë që quhet endocardium. Zemra ka katër dhoma, dy të sipërme që quhen veshë dhe dy të poshtme që quhen barkushe. Veshët janë dhomat hyrëse dhe barkushet janë dhomat e shkarkimit. Rrugët e gjakut nëpër zemër përbëhen nga një qark pulmonar dhe një qark sistemik. Gjaku rrjedh nëpër zemër në një drejtim, nga veshët në barkushe, dhe jashtë në arteriet e mëdha, ose Aorta për shembull. Kjo realizohet nëpërmjet katër valvulave.

Një mur i trashë muskujsh, atrio-ventricular septum, ndan veshin dhe barkushen e majtë nga veshi dhe barkushja e djathtë, duke shmangur kalimin e gjakut mes dy gjysmave të zemrës. Valvulat midis veshëve dhe barkusheve lejojnë kalimin e koordinuar në një drejtim të gjakut nga veshët në barkushe. Organi qendror i qarkullimit të [[Gjaku|gjakut]] është i përbërë aktualisht nga dy zemra të bashkuara me njëra tjetrën, por plotësisht të dallueshme nga njëra-tjetra.

 

Gjaku me oksigjen të varfëruar nga trupi hyn në veshin e djathtë nëpërmjet nga tre venave. Prej këtej gjaku kalon në barkushen e djathtë. Kjo e fundit pompon gjakun në mushkëri nëpërmjet arteries pulmonare.