Mitrush Kuteli: Dallime mes rishikimesh

'''Dhimitër Pasko''' ([[Pogradeci|Pogradec]], [[13 shtator]] [[1907]] ─ [[Tirana|Tiranë]], [[4 maj]] [[1967]]) ka qenë shkrimtar, përkthyes dhe ekonomist shqiptar, i njohur ndryshe me emrin e penës ''Mitrush Kuteli''. Pseudonime të tjera që përdori për të shkruar qenë edhe ''Janus'', ''Izedin Jashar Kutrulia'' me ''Dr. Pas''.

== Familja ==

Familja e Mitrush Kutelit, rrjedh nga fisi shqiptar Kuteli, i shpërngulur në [[Mokër]] e pastaj në Pogradec nga qyteti i [[Artë]]s, në fillim të shek. 19-të, për shkak të mizorive të [[Ali Pashë Tepelena|Ali pashë Tepelenës]]. I ati, Pandi, i biri i Pasko Kutelit<ref>Këtu nis mbiemri ''Pasko'' i asaj dege të familjes Kuteli e cila qendroi në Pogradec. Një degë tjetër, zbriti në Durrës dhe mban mbiemrin ''Ikonomi''</ref>, ishte rrobaqepës që kish jetuar 24 vjet në mërgim, në [[Rumania|Rumani]], duke punuar si murator e bojaxhi. Atje kish mësuar shkrimin e shqipes dhe ish njohur me disa nga patriotët e kohës, mes të cilëve me Nikolla Naçon. Pas kthimit në Shqipëri, vazhdoi zanatin e rrobaqepësit dhe të bojaxhiut e në të njëjtën kohë bënte dhe punën e ndërlidhësit për të futur dhe shpërndarë në vend librat shqip të shtypura në kolonitë e mërgimtarëve. I burgosur shpeshherë në kohë të [[Perandoria Osmane|osmanëve]], gjatë pushtimit serb e atij bullgar. Pas shpalljes së Hyrrijetit hapi një librari, e para librari shqipe në Pogradec. Në shtëpinë e tyre, që bastisej dendur për libra shqip, vinin luftëtarët e kohës: [[Dervish Hima]], [[Abdyl Ypi]], [[Mihal Grameno|Mihal Gramenua]], Telemak Gërmenji, Memduh Zavalani, [[Themistokli Gërmenji]], Pasa Pema, Vasil Tromara, etj