'''Shkolla e Miletit''' është emërtim me të cilin quhen mësimet e tre filozofëve grekëhelenë nga qyteti antik Milet, i cili ndodhej në bregun perëndimor të [[Azia e Vogël|Azisë së Vogël]] dhe në shekullin e VI p.e.s. përfaqësonte një qendër të rëndësishme tregtare dhe kulturore të asaj kohe. Këta tre filozofë janë: [[Talesi]], [[Anaksimeni]] dhe [[Anaksimandri]]. Ata paraqitën ide të reja për kohën e tyre e të cilat ishin në kundërshtim me pikëpamjet mbizotëruese mbi origjinën dhe strukturën e botës, në të cilën fenomenet natyrore shpjegoheshin kryesisht nga ndikimi dhe veprimi i hyjnive antropomorfe. Shkolla Miletiane nganjëherë identifikohet me termin [[Shkolla joniane|shkollë joniane]] (filozofë jonian), e cila në fakt përfshin edhe mendimtarë të tjerë nga Jonia (Ionia),<ref>Është fjala për rajonin historik nga antikiteti të njohur me emrin Ionia e i cili ndodhej në bregdetin jugperëndimor të Anadollit të sotëm</ref> të tillë si, për shembull, [[Herakliti]] e ndonjë tjetër.
