Lahutarët e Sanxhakut të Pazarit të Ri (libër): Dallime mes rishikimesh

Për mjete financiare, për përgatitjen për shtyp të librit dhe të shtypjes së tij, nuk është hapur dera aq lehtë, por nga Gjermania, shoqata – kulturore shqiptare – gjermane “Sali Çekaj’’, Pfaffenhofen a.d. Ilm, Gjermani, premtoi pa hezitim dhe e realizoi premtimin e dhënë për financimin e përgatitjeve për shtyp të librit dhe të shtypjes së tij, ’’Lahutarët e Sanxhakut të Pazarit të Ri”, e me këtë rast i falënderojmë shumë përzemërsisht.<ref>[https://dardaniapress.net/kultura/doli-nga-shtypi-libri-lahutaret-e-sanxhakut-te-pazarit-te-ri/ Doli nga shtypi libri “Lahutarët e Sanxhakut të Pazarit të Ri”]</ref>

Ky libër, i hartuar sipas standardeve shkencore, me rezyme edhe boshnjakisht e anglisht, është ndihmesë e vogël për krahinën e Sanxhakut të Pazarit të Ri, dikur pjesë e Kosovës, e sot i ndarë dysh ndërmjet Serbisë dhe Malit të Zi. Banorët e tij janë përfshirë në projekte shtetërore edhe për zhvendosje në Turqi, sidomos në kohën e Kralit, kur këtu bënin kërkime për Eposin e Kreshnikëve studiuesit e Universitetit të Harvardit dhe ku, për fat të mirë, takojnë Homerët e fundit të Evropës. Trajtimi i keq ndaj këtyre banorëve ka vazhduar edhe në kohën e Titos, prandaj sot jetojnë të zhvendosur në vende të ndryshme, një pjesë e madhe e tyre në Turqi, në Evropën Perëndimore e gjetiu. Ky libër, besoj se sadopak do t’u ndihmojë të gjithëve që ta njohin të kaluarën e vet të lavdishme të etnokulturës, që ruhet në fondet arkivore të Universitetit të Harvardit.<ref>“Lahutarët e Sanxhakut të Pazarit të Ri/ [https://www.radiokosovaelire.com/zymer-ujkan-neziri-doli-nga-shtypi-libri-me-kumtesa-lahutaret-e-sanxhakut-te-pazarit-te-ri/?fbclid=IwAR2hV3w13xZ8AHLnoijFncoQzTE53ReAf7LIrUlY6JY0aCtK2BLy4WgOxOs/ “Lahutarët e Sanxhakut të Pazarit të Ri]</ref>