Saim Kokona: Dallime mes rishikimesh

'''Saim Kokona''', një ndër drejtorët më të famshëm të fotografisë së filmit shqiptar, u lind më [[26 shkurt]] të vitit [[1934]] në [[Gjirokastër]], [[Shqipëri]]. Në moshën dhjetëvjeçare shpërngulet familjarisht në Tiranë, ku kreu edhe arsimin fillor. Më pas mbaroi studimet në liceun artistik “Jordan Misja”, për pikturë. Studimet e larta i përfundoi në Çeki për operator filmi në vitin 1960. Nga viti 1960, deri në vitin 1991, kur edhe doli në pension, punoi në [[Kinostudioja “Shqipëria e Re”|kinostudion “Shqipëria e Re”]] si operator, ku realizoi 30 filma artistikë dhe po aq filma dokumentarë. Ka punuar me regjisorë të shquar, si [[Dhimitër Anagnosti]], [[Viktor Gjika]], [[Piro Milkani]], [[Gëzim Erebara]], [[Xhanfise Keko]], [[Rikard Ljarja]], [[Kristaq Dhamo]], [[Hysen Hakani]] e shumë të tjerë. Ndër filmat e tij më të suksesshëm janë: [[Ngadhënjim mbi vdekjen]] [[Ndërgjegjja]], [[Brazdat]], [[Beni ecën vetë]], [[Koncert në vitin 1936]], [[Radiostacioni]], [[Njeriu i mirë]], [[Taulanti kërkon një motër]], [[Apasionata]], [[Shpella e piratëve]]. etj.