Lui Aragoni: Dallime mes rishikimesh

novelë
Content deleted Content added
Faqe e re: '''Lui Aragon''', shkrimtar, teoricien letrar dhe publicist francez, lindi më 23 tetor të vitit 1897 në Paris. Me shkrimtarin Andre Breton dhe të tjerë ka themeluar surrealizmin në ...
(Pa ndryshime)

Versioni i datës 22 qershor 2007 10:19

Lui Aragon, shkrimtar, teoricien letrar dhe publicist francez, lindi më 23 tetor të vitit 1897 në Paris. Me shkrimtarin Andre Breton dhe të tjerë ka themeluar surrealizmin në Francë. Asaj kohe dhe atij orientimi i përket romani i tij Fshatari parisien (1926), në të cilin ka paraqitur fatin e njeriut në vorbullën e metropolit.

Në një fazë të mëvonshme të jetës, Aragoni ka ndërruar pikëpamjet politike dhe është bërë anëtar i partisë komuniste, me ç'rast e ka përqafuar edhe realizmin socialist, ndërsa qëndrimin e vet të ri e ka paraqitur në traktatin Për realizmin socialist (1935). Në këtë frymë Aragoni ka shkruar një sërë romanesh, të botuara me titullin e përbashkët Bora reale.

Gjatë Luftës së Dytë Botërore ka marrë pjesë në lëvizjen e rezistencës. Këtë tematikë ai e ka trajtuar në disa vepra (përmbledhja e poezive e vitit 1944 Të përshëndes, Franca ime, romani Komunistët i vitit 1949 dhe Java e shenjtë i vitit 1958 etj.).

Lui Aragoni ka vdekur më 24 dhjetor të vitit 1982.