Duke u nisur nga disa pasaktësi në rubrikën “ Bashkia Poliçan “ , theksoj se bashkia e Poliçanit është një ndër dy bashkitë e rrethit të Skraparit , sëbashku me atë të Çorovodës.Nuk është komunë dhe nuk “përfshin nën administrimin e vet” asnjë komunë siç është shënuar tek kjo rubrikë .
Qyteti Poliçanit sipas të dhënave për vitin 2001 të Prefekturës së Beratit , kishte 3006 familje me 10101 banorë dhe shtrihej në një territor prej 6,66 kilometrash katrorë.
Rrethi i Skraparit ( ndryshe nënprefektura e Skraparit ) , bën pjesë në Prefekturën e Beratit dhe ka 2 qytete ( bashki ) ,respektivisht ato të Çorovodës - që është dhe kryeqëndra e rrethit- dhe të Poliçanit si dhe 8 komuna të cilat janë :
1- Komuna Qëndër, 2- Komuna Bogovë , 3- Komuna Vëndreshë , 4- Komuna Çepan ,5- Komuna Potom, 6- Komuna Leshnjë ,7 - Komuna Gjerbës , 8 -Komuna Zhepë.
Katër komunat e para i takojnë zonës së Skraparit të mirëfilltë ,kurse katër komunat e dyta i takojnë zonës së Tomorricës.
