Ndryshimi mes inspektimeve të "Jusuf Vrioni"

36 bytes removed ,  11 vjet më parë
Jusuf Vrioni ([[1916-2001]]) u lind në [[Korfuz]], [[Greqi]], më 16 Mars 1916. Vitet e tij të para i kaloi në Korfuz e më pas në Berat. Pas emërimit të babait të tij, Ilias Bej Vrioni, si Ministër i Jashtëm dhe Ministër i Plotëfuqishëm në Paris, familja e tij u shpërngul në Paris më [[1923]]. Ciklin e ulët dhe të mesëm arsimor Jusuf Vrioni e kreu pranë Liceut Janson de Sailly, Paris dhe atë të lartë në Grande École des Hautes Études Commerciales dhe në Institut d'Études Politiques të Parisit.
 
Më [[1939]] rikthehet në Shqipërinë e pushtuar nga Italia Fashiste, por shpërthimi i Luftës së Dytë Botërore e detyron të shpërngulet po atë vit për në Romë për të vazhuar studimet e tij të mëtejshme. Rikthehet në Tiranë më [[1943]], datë kjo që shënon dhe përmbysjen e fatit të tij. Më 13 Shtator [[1947]] arrestohet nga regjimi diktatorial dhe akuzohet për spiunazh dhe agjitacion e propagandë. Prej Shkurtit [[1949]] e deri më Prill [[1950]] torturohet barbarisht një njërën prej shtatëmbëdhjetë qelive famëkeqe të [[Koçi Xoxes]]. Në Korrik [[1950]] denohet me pesëmbëdhjetë vite heqje lirie dhe punë të detyruar. Lirohet në fund të vitit [[1958]] dhe internohet ne [[Fier]] për një periudhë disa mujore. Më [[1960]], për nevojat propagandës ndërkombëtare të regjimit diktatorial, emërohet në Tiranë si përkthyes letrar.
 
Ndër përkthimet e tij të para numërohet [[Gjenerali i Ushtrisë së Vdekur]] i [[Ismail Kadare]]së, i cili më vonë u botua në Paris. Ndërkaq, emri i tij si përkthyes do të fillonte të figuronte nëpër botimet në Francë vetëm në vitet [[1980]]. Edhe pse pjesën më të madhe të kohës e shpenzonte duke përthyer dhe redaktuar tekstet propagandistike të [[Enver Hoxhës]], Jusuf Vrioni gjente kohë për të përkthyer romanet e tjera të [[Ismail Kadare]]së. Falë elegacës së frengjishtes së tij, romanet e Ismail Kadaresë nisën të tërheqin vëmendje të jashtëzakonshme në publikun frankofon. Rreth fundit të viteve '80, Jusuf Vrioni nisi të gëzojë famë si përkthyes si pashoq në qarqet intelektuale dhe artistike të kryeqytetit.
369

edits