Në Palasë padyshim që gjuha e folur është shqipja.
Në Palasë sikundër edhe në qytetin Himarë dhe Fshatin Dhërmi flitet rëndom greqishtja (greqishtja e folur në Palasë ka tipare të një gjuhe të vjetër dhe në periudha të ndryshme e folura ka ndryshuar për shkak të ndikimeve të tjera gjuhësore), e cila gjatë periudhës komuniste, pati ndërhyrje të shumta të fjalëve shqip. Padyshim që gjuha e dytë e folur është shqipja. Ka disa hipoteza për këtë. Një prej tyre hedh idenë se banorët e këtyre tre fshatrave janë me origjinë greke. Hipoteza tjetër hedh idenë se përdorimi i greqishtes, mund të ketë ardhur si pasojë e strehimit në ishuj Grekë, gjate sulmeve osmane, ndërsa hipoteza e tretë e lidh përdorimin e gjuhës greke me shkëmbimet tregtare me ishujt greke e në veçanti Korfuzin.
Dëshmi të të folmes së gjuhës greke na jep edhe misionari katolik arbëresh Nilo Catalano, i cili, si misionar i Urdhrit Basilian Italian, jetonte në krahinën e Himarës, në shek. XVII.
