The Goldman Sachs, Group, Inc. është një Bankë investimesh shumëkombëshe, me qendër në Amerikë, që merret me bankingun e investimeve globale, menaxhimin e investimeve, të titujve, dhe shërbime të tjera financiare, kryesisht me klientë institucionalë (si bankat e tjera, shtetet ose fondet e pensioneve).

Selia qendrore e Goldman Sachs

Historiku Redakto

Goldman Sachs u themelua më 1869 dhe e ka selinë qendrore në 200 West Street , Manhattani i Poshtëm, Nju Jork, dhe është prezentë me zyra në të tëra qendrat ndërkombëtare financiare, të tilla si Londra apo Hong Kongu.[1] Shoqëria ofron menaxhimin e aseteve, këshillim mbi bashkimet dhe blerjet midi kompanive, përfaqësim në Bursë dhe dhënjen e sigurisë financiare për klientët e saj, ku përfshihen korporatat, qeveritë dhe individët. Firma gjithashtu angazhohet në tregun e letrave me vlerë, duke qenë një nga blerësit dhe shitësit madhorë të bonove të thesarit në ShBA.

Goldman Sachs u godit rëndë nga Kriza Financiare e 2008-ës,[2] për shkak të përfshirjes së saj në tregun e kredive të këqija, dhe më pas u shpëtua si pjesë e paketës së ndihmës monetare të lëshuar nga qeveria e SHBA-ve.

Shumë figura të rëndësishme të ekonomisë dhe politikës kanë pas punuar për Goldman Sachs, ku përfshihen Robert Rubin dhe Henry Paulson, që kanë shërbyer respektivisht si Sekretarë të Thesarit nën ish-Presidentët Bill Klinton dhe Xhorxh W. Bush; Mario Draghi, Presidenti i Bankës Qendrore Evropiane, dhe Mark Carney, Guvernatori i Bankës së Anglisë që nga korriku i vitit 2013.

Punonjësit Redakto

Është raportuar se mesatarja e përgjithshme e pagës për punonjës në vitin 2006 ishte $622,000.[3] Gjithashtu, mesatarja e pagës së paguar nga Goldman, Sachs & Co. për çdo punonjës në tre muajt e parë të vitit 2013 ishte $135,594.[4] Megjithatë, këto shifra përfaqësojnë një mesatare, çka do të thotë se mesatarja rritet shumë për shkak të pagës prej qindramijëra dollarë të një numri të vogël punonjësish në nivelet e larta të kompanisë, ndaj shumica e punonjësve në fakt marrin shumë më poshtë se kjo mesatare.[5]

Burim i të dhënave Redakto

  1. ^ "Office Locations". Goldman Sachs. Marrë më 4 mars 2016. {{cite web}}: Mungon ose është bosh parametri |language= (Ndihmë!)
  2. ^ "Like everyone else, Goldman was in trouble". The Economist. 28 korrik 2009. Marrë më 26 janar 2016. {{cite web}}: Mungon ose është bosh parametri |language= (Ndihmë!)
  3. ^ Gavin, Robert (12 dhjetor 2006). "Good deal: Average Goldman Sachs employee makes $622,000". The Boston Globe. Marrë më 17 janar 2007. {{cite news}}: Mungon ose është bosh parametri |language= (Ndihmë!)
  4. ^ Peter Coy. "At Goldman, the Average Pay for Three Months Is $135,594". Businessweek.com. {{cite web}}: Mungon ose është bosh parametri |language= (Ndihmë!)
  5. ^ "Please, Sir, I want Some More". New York Magazine. 5 dhjetor 2005. Marrë më 24 gusht 2007. {{cite web}}: Mungon ose është bosh parametri |language= (Ndihmë!)

Lidhje të jashtme Redakto