Joviani

Joviani (Latin: Flavius Jovianus; 331 - 17 shkurt 364) ishte perandor romak (me prejardhje ilire) nga qershori i vitit 363 deri në shkurt të vitit 364. Jovian lindi në Singidunum (sot Beograd, Serbi) në vitin 331 pas Krishtit, i biri i Varronianit, komandanti i truprojave perandorake të Konstancit II. Ai gjithashtu u bashkua me rojet dhe në këtë cilësi në vitin 361, shoqëroi eshtrat e Konstancit në Kishën e Apostujve të Shenjtë. Joviani ishte i martuar me Haritën dhe ata kishin dy djem, Varroniani, dhe një tjetër emri i të cilit nuk dihet.

Si pjesë e truprojës perandorake, ai shoqëroi perandorin Julian në fushatën e tij kundër Perandorisë Sasaniane dhe pas vdekjes së këtij të fundit, Joviani u shpall me ngut Perandor nga ushtarët e tij. Me ushtrinë e rraskapitur dhe rezerva të pakta nuk mundi të kalonte Tigrin, kështu që kërkoi paqe me Sasanidët me kushte poshtëruese. Pas mbërritjes së tij në Edesa, Joviani u lut nga peshkopët për çështje doktrinore në lidhje me Krishterimin dhe deri në shtator të vitit 363, ai kishte rivendosur Krishterimin si fe shtetërore. Kthimi i tij në Kostandinopojë do të ndërpritej nga vdekja e tij në Dadastana. Joviani mbretëroi për një periudhë të shkurtër prej gjithësej vetm tetë muaj.

Shih edhe

• Iliria
• Iliriku
• Prefektura e Ilirikut
• Lista e personaliteteve ilire

Literatura

•  Kettenhofen, Erich, JOVIAN (në anglisht), vëll. 15 (fascicle 1), fq. 74–77
• Banchich, Thomas, "Jovian", De Imperatoribus Romanis.
• Ammianus Marcellinus, xxv. 5–10
• J. P. de la Bleterie, Histoire de Jovien (1740)
• Gibbon, Decline and Fall, chapters xxiv., xxv.
• Gibbon, Edward, 1737–1794. The history of the decline and fall of the Roman Empire. (NY : Knopf, 1993), v. 2, pp. 517–529.
• G. Hoffmann, Julianus der Abtrünnige, 1880
• J. Wordsworth in Smith and Wace's Dictionary of Christian Biography
• H. Schiller, Geschichte der römischen Kaiserzeit, volume ii. (1887)
• A. de Broglie, L'Église et l'empire romain au IV^e siècle (4th ed. 1882).