Kozma Lara

Kozma Lara u lind më 4 Janar 1930 në Durrës. Është kompozitor i mirënjohur shqiptar, autor i shumë krijimeve muzikore, si kuartete, trio, romanca, rapsodi, etj, dhe i shumë këngëve për fëmijë. Ka qenë President i Shoqatës muzikore "Tonin Harapi", i Festivalit të Romancës Shqiptare, si dhe anëtar i Lidhjes së Shkrimtarëve, Artistëve dhe Kompozitorëve të Shqipërisë. U nda nga jeta më 18 janar 2019.

Kozma Lara

Biografia

Kozma Lara lindi më 4 janar 1930 në Durrësit.

Mësimet e para në piano i merr nga prof. Tonin Guraziu. Në vitet 1946-1949 mbaron shkollën e mesme të përgjithshme "16 Shtatori" në Durrës. Ndjek liceun artistik "Jordan Misja" në Tiranë, ku dhe diplomohet në degën e pianos me prof. Tonin Guraziu në vitin 1954.

Në vitin 1958 studion në konservatorin "Pjotr Iliç Çajkovski", në Moskë (ish-BRSS), në degën e kompozicionit, student i profesorit Sergey Artem'yevich Balasanian.

Përgjatë viteve ka kontribuar në Ansamblin e Ushtrisë Popullore, në Teatrin e Operas dhe Baletit në Tiranë, si koncert-maestër, dhe në shkollën e mesme të muzikës "Mujo Ulqinaku", Durrës.

Gjatë viteve 1964-1972 kontribuon si pedagog i Analizës dhe Kompozicionit, njëkohësisht Shef i Katedrës së Kompozicion-Dirigjimit në Konservatorin Shtetëror të Tiranës.

Gjatë viteve 1972-1978 ka qenë inspektor, specialist për Muzikën në Ministrinë e Arsimit dhe Kulturës, Tiranë.

Në vitin 1979 ka qenë mësues i Harmonisë, Analizës dhe Orkestracionit pranë shkollës së mesme të muzikës "Jan Kukuzeli", Durrës.

Nga 1979-a e më pas ka qenë shef i Katedrës së Teori-Kompozicionit në Fakultetin e Muzikës, pedagog i Analizës dhe Kompozicionit.

Nga 1995-a e më pas, edhe pse në pension, kontribuon si pedagog i jashtëm në lëndën e Analizës dhe Kompozicionit në Universitetin e Arteve, Tiranë.

Krijimtaria

Vepra instrumentale Simfonike

• Simfonia Nr. 1, në Fa Minor
• Tri skica simfonike për orkestër, 1, 2, 3, 2011
• Tri valle për orkestër simfonike, 1972

Suita

• Suitë orkestrale për harqe, në 3 kohë, 2000
• Suitë orkestrale për fëmijë, 1975
• Suitë për flaut dhe piano, I, 1981
• Suitë për flaut dhe piano, II, 1985
• Suitë për flaut dhe piano, III, 1986
• Suitë për piano e orkestër, 1988

Koncerte

• Koncert për piano dhe orkestër, I, 1966
• Koncert për piano dhe orkestër, II, 1970
• Koncert për piano dhe orkestër, III, 1984
• Koncert për piano dhe orkestër, IV, 1986
• Koncert për piano dhe orkestër, V, 1991
• Koncert për violinë dhe orkestër, 1971
• Koncert për oboe dhe orkestër, 1982

Valle

•  Valle për flaut dhe orkestër, 1978
• Valle tokatë (piano), 1972
• Valle për kuartet harqesh, 1984
• Valle për fagot dhe piano
• Valle e rëndë, 1993

Rapsodi

• Dy rapsodi për piano dhe orkestër, 1976, 1983

Sonata

• Sonata për piano I, 1965
• Sonata për piano II, 1974
• Sonata për piano III, 1976
• Sonata për piano IV, 1989
• Sonata për piano V, 1995
• Sonata për piano VI, 1998
• Sonata për piano VII, 2001
• Sonatë për violinë dhe piano
• Meditim mbi një temë për piano, 2002
• Temë me variacione, botim i Institutit të Lartë të Arteve
• Ditë të Gëzuara, album për piano, 1969
• Cikël pianistik, 1996
•  Capriccio, botim i Institutit të Lartë të Arteve
• 24 Pjesë pianistike, album me pjesë pianistike, 1998, Shtëpia Botuese Altas
• Balada për piano I, II, III, IV,  botuar në Repertor Pedagogjik Pianistik, volumet 1,2,3,4 dhe 5
• Tri pjesë për piano, 1978
•  Përjetime Kanadeze, 8 prelude për piano, 2005
•  Miniatura pianistike, botim i Institutit të Lartë të Arteve, 1966
• Pastorale

Muzikë Dhome

• Kuartet për harqe I, 1989
• Kuartet për harqe II, 1998
• Kuartet për harqe III, In memoriam për poetin L. Poradeci, 2000
• Dy pjesë për kanto dhe kuartet harqesh, Fryma e fundosur, Ruaj frymën e lules tënde, me vargje nga Agim Isaku, 1993
•  Trio për flaut, violonçel dhe piano, 1999
•  Tre improvizime për flaut dhe piano, 1995, 2012
• Meditim për violonçel dhe piano, 1999
•  Meditim mbi një këngë popullore për violonçel dhe piano, 2013
• Dialog nr. 1, nr. 2, për flaut dhe violonçel, 2001
• Skerco për flaut dhe piano, 1966
•  Rondo për violonçel dhe piano, 1986
• Pjesë për violonçel dhe piano, I
• Pjesë për violonçel dhe piano, II
• Pjesë për violonçel dhe piano, III
• Pjesë për violonçel dhe piano, IV
• Andante për flaut dhe piano

Vepra Vokale

• Cikël me pjesë korale a capella
• Cikël me këngë popullore të përpunuara
•  Këngë për fëmijë në festivale
• Romanca vokale (të botuara)

Muzikë Skenike

• Opereta për fëmijë Ditë të Gëzuara, 1956
•  Opereta për fëmijë Shpendët e Pyllit, 1957
• Baleti Fatosi Partizan, 1967

Nderime

• 1965 – Anëtar i Lidhjes së Shkrimtarëve dhe Artistëve të Shqipërisë
• 1985 – I akordohet Urdhri “Naim Frashëri” i Klasit të II
• 1990 – I akordohet titulli Artist i Merituar
• 1995 – I akordohet titulli Profesor nga Akademia e Arteve të Tiranës
• 1998 – I jepet Çmimi i Karrierës i Fondacioni VELIA
• 2010 – I jepet Çmimi Mirënjohje nga |Akademia e Arteve të Tiranës
• 2012 – I akordohet titulli Nderi i Qytetit të Durrësit 

Veç këtyre, Kozma Lara ka qenë anëtar i Lidhjes së Shkrimtarëve dhe Artistëve të Shqipërisë që nga viti 1965, dhe President i Këshillit Kombëtar të Muzikës gjatë viteve 1992-1994.

Dhjetëra vepra të Kozma Larës janë vlerësuar me çmime ndër vite, në Dekadat e Majit dhe festivale kombëtare

Botime

• Analiza e veprave muzikore, për shkollat e mesme të muzikës
• Analiza e veprave muzikore për Universitetin e Arteve
• Artikuj dhe studime për vepra apo veprimtari muzikore ndër vite
• Simfonia Nr.1, në FA MINOR (Partitura), 1981
• Romanca Shqiptare, 1999, (përzgjodhi dhe përgatiti për botim)
• Sonata për piano dhe violinë, 2000
• Muzikë Dhome - Vepra nga kompozitorë shqiptarë, 2001, (përzgjodhi dhe përgatiti për botim)
• Album me pjesë pianistike, 2013
• Romanca Vokale, 2013
• Sonata për piano, 2013
• Album me 20 romanca vokale për soprano, tenor dhe piano, 2013
• Broshura me pjesë muzikore të ndryshme ndër vite, etj.