Muzdalife

Muzdalife (arabisht: مُزْدَلِفَة) është një zonë e hapur dhe e sheshtë afër Mekës në rajonin e Hixhazit të Arabisë Saudite që lidhet me Haxhin. Ai shtrihet vetëm në juglindje të Mina, në rrugën midis Minas dhe Arafatit.

Xhamia dhe zona ku mblidhen guralecët në Muzdalife

Pelegrinazhi

Qëndrimit në Muzdelife i paraprihet një ditë në Arafat, e cila përbëhet nga lavdërimi i Allahut duke përsëritur Dua (lutje), pendimi ndaj Allahut dhe kërkimi i faljes prej Tij. Në Arafat, namazi i drekës dhe i ikindisë falet në formë të kombinuar dhe të shkurtuar gjatë kohës së drekës. Pas perëndimit të diellit në ditën e nëntë të muajit islamik Dhulhixhxhe, pelegrinët myslimanë udhëtojnë për në Muzdelife, ndonjëherë duke arritur natën për shkak të mbipopullimit. Pas mbërritjes në Muzdelife, haxhinjtë e falin namazin e akshemit dhe të jacisë bashkë, ndërsa namazi i jacisë shkurtohet në 2 reqate. Në Muzdalife, pelegrinët mbledhin guralecë për gurëzimin e djallit (arabisht: رَمِي ٱلْجَمَرَات, romanizuar: Ramī al-Jamarāt).