Çerkin Bytyçi

Çerkin Bytyçi (Hoçë, Prizren më 1957 ) është një shkrimtar dhe mbledhës i folklorit shqiptar.

Çerkin Bytyçi
U lind në	Hoçë, Prizren
Shtetësia	shqiptar

Biografia

Çerkin Bytyçi lindi në Hoçë të Qytetit (komuna e Prizrenit), në vitin 1957. Shkollën fillore e kreu në vendlindje, ndërsa të mesmen dhe shkollën e lartë pedagogjike (grupi Gjuhë dhe Letërsi Shqipe) në Prizren.

Me shkrime filloi të merrej që nga bankat e shkollës fillore, kur edhe në shtypin për fëmijë iu botuan punimet e para. Bashkëpunon me të gjitha gazetat e revistat që botohen në gjuhën shqipe. Është anëtar i Lidhjes së Shkrimtarëve të Kosovës.

Është prezantuar në Leksikonin “Shkrimtarët shqiptarë për fëmijë (1872-1995)” të Odhise Grillos, në Leksikonin “Shkrimtarët shqiptarë 1501-2001” të Hasan Hasanit, në librin-album “Portrete shkrimtarësh” (2002) të Demir Behlulit dhe në “Antologjinë e krijimtarisë bashkëkohore shqipe” (shqip-gjermanisht) të Ferdinand Lahollit (2003).

Jeton në Gjermani. Një nga temat në krijimtarinë e tij është mërgimi.

Krijimaria

Poezitë e tij janë përkthyer në gjuhën gjermane, turke, rumune dhe serbokroate. Deri më tash ka botuar:

• “Me zemër të mbushur atdhe” (poezi për fëmijë), l992
• "Dielli i vendlindjes“ (tregime për fëmijë), 1993
• “Urti“ (aforizma), 1998
• ”Kori i fëmijëve” (poezi për fëmijë), 2002
• “Loni i pallatit tim” (poemë për fëmijë), 2005
• “Në gjah pas drenushës” (tregime për fëmijë), 2005
• “Klinika e kukullave” (tregime për fëmijë), 2005
• “Gjuhë e zemrës” (tekst shkollor), 1999
• “Dritë e diturisë” (Monografi e Shkollës Shqipe në Badenin Jugor të Gjermanisë), 2002
• “Nga Kosova drejt kampionatit botëror” (kushtuar sportistit Luan.Krasniqi), 2005
• “Hija e dhembjes” (poezi), 2007

dhe është bashkautor i librave

• “Shkolla Shqipe në Wupertal”, 1998
• “Thesari kulturor i atdheut tim”, 2000
• “Shkolla Shqipe në Tuttlinegn të Gjermanisë”, 2002 dhe
• “Emra që s`harrohen - arsimtarë në diasporë”, 2006.