Çmimi i Presidentit për Meritat e Ambientit

Çmimi i Presidentit për Meritat e Ambientit është mirënjohje shtetërore e Kosovës që u jepet qytetarëve dhe institucioneve e ndërmarrjeve të Kosovës e të huaja që kontribuojnë në mbrojtjen, kultivimin dhe ruajtjen e ambientit.

Shprehja e mirënjohjes dhe nderimi me këtë çmim bëhet nga Presidenti i Kosovës. Të drejtën për të paraqitur propozim për dekorim para Presidentit të Kosovës e kanë:

• Kryetari i Kuvendit,
• Kryetari i Qeverisë,
• Kryetari i Gjykatës Supreme dhe i Kolegjit Kushtetues,
• Prokurori i Kosovës,
• Ministri,
• Shefi i Shtabit të Përgjithshëm,
• Drejtori i Drejtorisë së Përgjithshme të Policisë,
• Kryetari i Kuvendit të Komunës,
• Kryetari i Akademisë së Shkencave dhe të Arteve të Kosovës,
• Rektori i Universitetit.