Andrea Rita Dworkin (26 shtator 1946 - 9 prill 2005) ishte një aktiviste dhe shkrimtare feministe radikale me origjinë amerikane. Më së shumti, ajo njihet për analizën e pornografisë në shkrimet e saj feministe. Veprat e saj përfshijnë nëntë libra jo-trillues, dy romane dhe një përmbledhje tregimesh. Tre vëllime të tjera u shkruajtën ose bashkë-redaktuan me profesoreshën e të drejtës kushtetuese amerikane dhe aktivisten feministe, Catharine A. MacKinnon.

Tema qendrore e punës së Dworkin është rivlerësimi i shoqërisë, kulturës dhe politikave perëndimore. Ajo e bëri këtë përmes prizmit të dhunës seksuale të burrave ndaj grave në një kontekst patriarkal. Ajo shkroi për një gamë të gjerë temash përfshirë jetën e Zhan D'Arkut, [1] Margaret Papandreou, dhe Nicole Brown Simpson; analizoi literaturën e Charlotte Brontë, [2] Jean Rhys, [3] Leo Tolstoy, Kōbō Abe, Tennessee Williams, James Baldwin dhe Isaac Bashevis Singer; [4] prezantoi perspektivën e saj radikale feministe në shqyrtimin e temave që historikisht janë shkruar ose përshkruar nga këndvështrimi i burrave, përfshirë përrallat, homoseksualitetin, lezbizmin, virgjërinë, antisemitizmin, Shtetin e Izraelit, Holokaustin, epërsinë biologjike, dhe racizmin.

Jo-trillim (vepra të zgjedhura)Redakto

Urrejtja e GruasRedakto

Botuar në 1974, ky ishte libri i parë i Dworkin që përshkruan shumë pika themelore tē filozofisë së saj feministe. Ajo e identifikon librin si një akt revolucionar, një shprehje e një "angazhimi për t'i dhënë fund dominimit mashkullor" në të gjitha manifestimet e tij kulturore dhe shoqërore. [5] Hyrja ofron një shpjegim kompleks të jetës së grave. Ajo përshkruan pamundësinë e një revolucioni për gratë, nëse gratë me privilegje dhe komoditete nuk janë të gatshme të heqin dorë nga këto në shenjë solidariteti me gratë jo aq të privilegjuara.

ReferimRedakto

  1. ^ Dworkin, Andrea (1987). Intercourse. Basic Books. fq. 103–133. {{cite book}}: Mungon ose është bosh parametri |language= (Ndihmë!)
  2. ^ Dworkin, Andrea (1987). Letters From a War Zone. fq. 68–87. {{cite book}}: Mungon ose është bosh parametri |language= (Ndihmë!)
  3. ^ Dworkin, Andrea (1987). Letters From a War Zone. fq. 87–94. {{cite book}}: Mungon ose është bosh parametri |language= (Ndihmë!)
  4. ^ Dworkin, Andrea (1987). "Intercourse" (PDF). Feministes Radicales. fq. 3–100. {{cite web}}: Mungon ose është bosh parametri |language= (Ndihmë!)
  5. ^ Dworkin, Andrea (1974). Woman Hating. New York, NY: Plume. fq. 17. ISBN 978-0525474234. {{cite book}}: Mungon ose është bosh parametri |language= (Ndihmë!)