Asambleja Komunale-Dardanë

Asambleja Komunale është organi më i lartë në Komunë, këshilltarët e të cilit zgjedhen, në mënyrë të drejtpërdrejt, nga qytetarët, në pajtim me Ligjin për Zgjedhjet Lokale.

Të gjithë qytetarët e Komunës, mund të kandidohen për këshilltarë në Kuvendin e Komunës, me kusht, që ata t’i plotësojnë kushtet e parapara në Ligjin për Zgjedhjet Lokale.

Mandati i çdo këshilltari të Kuvendit të Komunës, verifikohet, nga Komisioni për verifikimin e mandateve, që themelohet, nga Kuvendi i Komunës, para nënshkrimit të mandatit, nga secili këshilltarë.

Të gjithë këshilltarët e Kuvendit të Komunës, duhet ta japin dhe nënshkruajnë betimin solemn si në vijim: “Betohem (ose deklaroj solemnisht), se do t’i kryej detyrat dhe autorizimet e mia, me nderë, me besnikëri, pa anime e me ndërgjegje dhe sipas ligjit, si këshilltarë i Kuvendit të Komunës së Kamenicës, në mënyrë, që të sigurohen, kushte për jetë të qetë, për të gjithë”.

Këshilltarët e Kuvendit të Komunës, të cilët nuk e nënshkruajnë betimin, ose mandatin në pajtim me paragrafet 3 dhe 4, të këtij neni, brenda një muaji, pas certifikimit të rezultateve, të zgjedhjeve, pushojnë, të jenë këshilltarë.

Komitetet

Në kuadër të Asamblesë Komunale pjesë përbërëse janë edhe Komitetet ;

• Komiteti për Politikë dhe Financa
• Komiteti për Komunitete
• Komiteti konsultativ për përfshirjen e qytetarëve në vendimarrje
• Komiteti për Shëndetësi, Çështje Sociale dhe Emergjenca
• Komiteti për Arsim, Kulturë, Rini dhe Sport
• Komiteti për Planifikim, Zhvillim Lokal, Ekonomik dhe Ambient
• KOMITETI PËR SHËRBIME PUBLIKE KOMUNALE

Kompetencat dhe përgjegjësitë e Këshillave Lokale

Organizojnë, planifikojnë dhe përcjellin zhvillimet e lokalitetit ne bashkëpunim me kuvendin e komunës, komitete dhe drejtorit komunale.

• Kujdesen për mirëmbajtjen e rrugëve, mbrojtjen e ambientit dhe organizimin e aksioneve vullnetare.
• Ndërmarrin iniciative përkatëse për ruajtjen e pronës shoqërore/shtetërore
• Zhvillojnë konsultime me këshilltarët e kuvendit komunal te komunës (Koha e kushtuar qytetareve)
• Zhvillojnë konsultime me institucionet lokale (tryeza te rrumbullakëta, forumet dhe bisedime)
• Përfshirja e këshillave lokale ne planifikimin e buxhetit komunal
• Zhvillojnë konsultime dhe ndihmojnë organet përkatëse komunale lidhur me planet komunal urbane, zhvillimore dhe rregullative