Audrey Tang

Audrey Tang (lindur në 18 prill 1981; e njohur ndryshe si Autrijus) është një programuese nga Taivani, e cila është cilësuar si një prej 10 personave më të mirë në degën e kompjuterikës." Në gusht 2016 ajo u ftua për t'iu bashkuar kabinetit qeveritar si ministre, duke u shndërruar në personin e parë transgjinor që emërohet në një post zyrtar pranë qeverisë.

Biografia

Pirndërit e Tang janë Tang Kuang-hua dhe Lee Ya-ching. Tang shfaqi një interes për kompjuterat dhe teknologjinë që prej një moshe shumë të vogël, duke mësuar gjuhën programuese Perl në moshën 12 vjeçare. Dy vite më vonë ajo e braktisi gjimnazin, duke mos arritur të përshtatej me jetën studentore. Rreth vitit 2000 në moshën 19 vjeçare Tang kishte arritur të punonte për kompani të ndryshme, si dhe punoi në Silicon Valley në Kaliforni si sipërmarrëse.

Në fund të 2005 Tang nisi tranzicionin gjinor nga mashkull në femër, duke përfshirë dhe ndryshimin e emrave nga Anglishtja dhe Kinezçe, një kërkesë që vinte pas ndryshimit të pamjes së saj të jashtme. Sa i përket tranzicionit gjinor Tang shprehet: “Jam munduar të shkëputem prej realitetit dhe duke jetuar e fshehur për shumë vite, pasi truri im është i vetëdijshëm që i përkas identitetit si vajzë, por shoqëria pretendon se i përkas gjinisë tjetër”.

Kanali televiziv i lajmeve “Republic of China”, ETToday raporton se Tang gëzon një koeficient inteligjence prej 180. Ajo është ithtare e auto-didaktizmit dhe anarkizmit individualist.