Besim Levonja
Besim Levonja (Elbasan, 16 mars 1922 - Tiranë, 21 qershor 1968) ka qenë aktor dhe shkrimtar shqiptar.
Biografia
RedaktoVeprimtarinë e tij artistike Levonja e filloi që gjatë Luftës së Dytë Botërore, me poezi në radhët e revistës «Kultura Islame».[1] Gjithashtu publikoi shkrime te «Tomori» i Tiranës më 1942 me pseudonimet Deti dhe Këngëtari i pashkollë.[2] U përfshi njësiteve guerrile të FNÇ-së, autoritetet e rendit të kohës e arrestuan dhe e burgosën, prej ku e shpëtoi prefekti i Tiranës. Qazim Mulleti. Me krijimin e teatrit Popullor në 1945, Levonja është ndër të parët artistë që formuan grupin artistik të këtij teatri. Pjesa e parë që shfaqi Teatri Popullor nga dramaturgjia jonë është pjesa "Coni, Ishja, Roma" në vitin 1945. Por suksesin më të madh si krijues, Levonja e arriti me komedinë "Prefekti" (dhjetor 1948), e cila për kohën qe një komedi e suksesshme. Rolet e tij në teatër janë të shumtë. Ndër kryerolet e tij në Teatrin Popullor përmendim Gjeloshin "Votra e huaj", plakun e urtë "Trimi i mirë me shokë shumë", Sokoli "Halili dhe Hajria", Tetarefi "Mikroborgjezët", varrmihësi "Hamleti", Dobçinski "Revizori", etj.
Ka interpretuar edhe ne filmat artistik "Toka Jone", "Debatik". Vdiq më 21 Qershor 1968. Eshtë nderuar me urdhërin e lartë "Hero i punës socialiste" për kohën, dhe me titullin "Artist i merituar".
Referime
Redakto- ^ Puka, Gëzim (2017). "Fleta letrare e revistës "Kultura Islame"". Botime "Progresi". Arkivuar nga origjinali më 16 mars 2021. Marrë më 10 mars 2021.
- ^ Gashi, Sinan (2009). Pseudonimet e shkrimtarëve shqiptarë 1453-1982. Prishtinë. fq. 152.
{{cite book}}: Mirëmbajtja CS1: Mungon shtëpia botuese te vendodhja (lidhja)
Ky artikull në lidhje me një aktor është i cunguar. Ju mund të ndihmoni Wikipedinë duke e përmirësuar atë.