Biblioteka “Hamit Beqaj”

Biblioteka “Hamit Beqaj” ndodhet në Tiranë dhe mund të themi që është një ndër bibliotekat më të mëdha dhe më aktivja në organizimin e aktiviteteve që kanë për bazë librin. Kjo bibliotekë është afër shkollës së Kuqe, dhe dikur ka qenë salla e leximit nr 3 të Bibliotekës Kombëtare. E ndarë në 3 mjedise, salla e madhe e aktiviteteve ku janë edhe autorët shqiptarë, salla ku janë autorët e huaj të përkthyer në shqip dhe salla e tretë ku është libri për fëmijë dhe libri në gjuhë të huaj. Në këtë bibliotekë, fondi është shumë i pasur me botime të vjetra, mes tyre edhe ekzemplarë të rrallë ku mund të përmendim botimin e Hamletit në shqip i vitit 1943.