Hape menynë kryesore

Revista “Familja” ka karakter social-kulturor dhe edukativ dhe drejtohet nga një staf i përkushtuar dhe profesional. Kjo revistë del çdo dy muaj dhe pasqyron realitetin shqiptar në fusha të ndryshme të jetës.

Objektivat: Të ngrejë zërin për ngjarje të ndryshme, që nuk duhet të kalohen në heshtje nga shoqëria.

Nëpërmjet temave të ndryshme sociale të trajtuara të nxitë debatin, ku me anë të mendimit të personaliteteve të fushave të ndryshme jetësore të mundohet të japë rrugët për zgjidhjen e problemeve të ndryshme.

Të jetë një tribunë e muslimanëve për të ngritur e zërin për çështje që i shqetësojnë.

Të trajtojë probleme të ndryshme, që kanë të bëjnë me edukimin e fëmijëve, marrëdhëniet prind – fëmijë, sjelljen e tyre në komunitet. Rrugët dhe mënyrat e edukimit të fëmijëve sipas Islamit dhe sipas arritjeve më të fundit në fushën e pedagogjisë, të edukimit, sociologjisë dhe psikologjisë.

Të pasqyrojë jetën e personaliteteve të ndryshme, shqiptarë e të huaj, që kanë dhënë ndihmën e tyre në shërbim të arsimit, shkencës, kulturës, artit, që kanë shërbyer si shembull për shoqërinë.

Revista kërkon të “Familja” të jetë sa më afër lexuesit me shkrimete tematikave të ndryshme dhe me informacionet e ndryshme që sjell.

Të jetë një pasqyrë e realitetit, duke pasqyruar problemet e ndryshme sociale.

Të krijojë një lidhje midis lexuesit dhe lajmit.

Të nxitë ndienjën e leximit dhe të dashurisë për fjalën.

Të afrojë sa më shumë bashkëpunëtorë rreth vetes, pa dallim moshe, krahine apo gjinie.

Revista “Familja” është zëri i Shqipërisë në diasporë [1] Bashkëpunëtorët e revitës “Familja” janë aktivë, afër lajmit dhe ngjarjeve. Tashmë ata nuk janë vetëm nga Shqipëria, por edhe jashtë saj: Francë, Itali, Zvicër, Austri, Turqi, Maqedoni, Kosovë etj. Me punën e saj revista “Familja” ka arritur të ndërgjegjësojë lexuesin se, të gjithë kemi të drejtë të themi mendimin tonë, të gjithë duhet të ngremë zërin për problemet që na shqetësojnë. Vlen për t’u përmendur fakti që revista “Familja” shpërndahet në të gjitha trevat shqiptare, si dhe në diasporë. Midis shqiptarëve, që jetojnë e punojnë në vende të ndryshme të Evropës, është vendosur një urë lidhëse.

Revista “Familja” është një organ i Shoqatës Kulturore “Gruaja”, e cila mbikëqyr daljen e rregullt të revistës në treg.

Lidhje të jashtmeRedakto