Forcat e Armatosura të Indonezisë

Forcat e Armatosura Kombëtare të Indonezisë (indonezisht: Tentara Nasional Indonesia, TNI) janë forcat ushtarake të Republikës së Indonezisë. Forcat përbëhen nga Ushtria (TNI-AD), Marina (TNI-AL) dhe Forca Ajrore (TNI-AU). Presidenti i Indonezisë është komandanti i përgjithshëm i Forcave të Armatosura. Që prej 2023, Forcat përfshijnë afërsisht 400,000 personel ushtarak duke përfshirë Korpusin Detar Indonezian (Korps Marinir RI), e cila është një degë e Marinës.

Fillimisht u formua me emrin e Ushtrisë së Sigurisë Popullore (USP), më pas u ndryshua në Ushtrinë e Republikës së Indonezisë (UPI) përpara se të ndryshonte përsëri emrin e saj në Forcat e Armatosura Kombëtare të Indonezisë (TNI) deri më sot. Forcat e Armatosura Indoneziane u formuan gjatë Revolucionit Kombëtar Indonezian, kur ndërmori një luftë guerile së bashku me milicinë informale. Si rezultat i kësaj dhe nevojës për ruajtjen e sigurisë së brendshme, Forcat e Armatosura të Indonezisë, përfshirë Ushtrinë, Marinën dhe Forcat Ajrore, janë organizuar përgjatë vijave territoriale, me synim mposhtjen e armiqve të brendshëm të shtetit dhe pushtuesve të jashtëm të mundshëm.

Sipas Kushtetutës së vitit 1945, të gjithë qytetarët kanë të drejtë ligjore dhe të detyruar të mbrojnë kombin. Rekrutimi parashikohet me ligj, megjithatë Forcat e Armatosura kanë mundur të ruajnë nivelet e mandatuara të forcës pa iu drejtuar një drafti.

Personeli i Forcave të Frmatosura (ushtarake) indoneziane nuk përfshin anëtarë të personelit të zbatimit të ligjit dhe personelit paraushtarak si Policia Kombëtare Indoneziane (Polri) e përbërë nga rreth 440,000+ personel, Korpusi i Brigadës Lëvizëse (Brimob) rreth 42,000+ personel të armatosur dhe Regjimenti i Studentëve të Kolegjit Indonezian ose Resimen Mahasiswa (Menwa) i cili është një shërbim ushtarak kolegjial që përbëhet nga 26,000 personel të trajnuar.