Fran Pali

Fran Pali, rapsod prej bjeshkëve të Pukës. Nuk i ka munguar asnjëherë Gjirokastrës së festivaleve, prej vitit 1973. Fran Pali është rapsod i dëgjuar, këngëtar e instrumentist. Prej 34 vjetësh ai punon për grumbullimin e folkut dhe ruan me fanatizëm traditën më të mirë të zonës së vet. Është vlerësuar me çmime në disa festivale, si krijues, si interpretues dhe si folklorist, madje është dekoruar dy herë nga Kuvendi Popullor, me medaljen dhe urdhërin “Naim Frashëri”. Ai sëbashku me Ndue Shytin, krijuan orkestrinën e Pukës dhe e “rritën” atë në 102 interpretues të veglave të ndryshme muzikore, si fyelli, çiftelia, lahuta, lodra, dajrja e cylja.