Fuqia (fizikë)

Në fizikë ,fuqia $P$ është sasia e energjisë e transferuar ose e kthyer në njësinë e kohës.Nëse ΔA është puna që kryhet gjatë një periudhe me kohëzgjatje Δt, fuqia mesatare P_avg gjatë kësaj periudhe jepet me formulën

$P_{\mathrm {avg} }={\frac {\Delta A}{\Delta t}}\,.$

Fuqia numerikisht është e barabartë me raportin e punës dhe të kohës brenda së cilës është kryer ajo punë. Fuqia mesatare shpesh quhet thjesht "fuqia" kur konteksti e bën të qartë.

Një formulë tjetër e llogaritjes së fuqisë është duke ndërlidhur dinamikën me kinematikën. Kjo formulë zbatohet kur shpejtësia është konstante:

$P={\frac {A}{t}}={\frac {F\cdot x}{t}}=F\cdot v$

Fuqia e menjëhershme atëherë është vlera në limit e fuqisë mesatare kur intervali Δt i afrohet zeros.

$P=\lim _{\Delta t\rightarrow 0}P_{\mathrm {avg} }=\lim _{\Delta t\rightarrow 0}{\frac {\Delta A}{\Delta t}}={\frac {dA}{dt}}\,.$

Në rastin e fuqisë konstante P, sasia e punës së kryer gjatë një periudhe me afat T është dhënë nga:

$A=PT\,.$

Në kontekstin e konvertimit të energjisë është më e zakonshme përdorimi i simbolit E në krahasim me W.

Njesia e fuqise ne SI eshte vati(simboli W) Ajo eshte fuqia te cilen e jep puna prej nje xhauli qe kryhet per një sekondë.

$1\,W={\frac {1\,J}{1\,s}}$

Fuqia elektrike

Fuqia e çastit dërguar një elementi në qark jepet nga relacioni:

$P(t)=V(t)\cdot I(t)$

ku

• $P(t)$ është fuqia e çastit e matur në vat
• $V(t)$ është voltazhi (diferenca e potencialit) mes skajeve të elementit
• $I(t)$ është rryma që rrjedh nëpër element

Nëse elementi është rezistor me përpjestim voltazh/rrymë të pandryshueshëm nga koha mund të shkruhet:

$P=V\cdot I=I^{2}\cdot R={\frac {V^{2}}{R}}$ Mjafton të mbahet mënd një nga ekuacionet e mësipërme, dy të tjerët dalin me ndihmën e ligjit të Ohmit.

Në rastin më tipik, atë të rrymës alternative, rryma ose voltazhi jepen sipas relacionit: $V(t)=V_{0}\sin(\omega t)\bigvee I(t)=I_{0}\sin(\omega t)$ ku $\omega =2\pi f$ . Shpeshherë jemi të interesuar jo për fuqinë e çastit por fuqinë e mesatarizuar. Kjo do të thotë, të gjejmë një vlerë për fuqinë $P_{avg}$ e cila në intervalin [a,b] jep po të njëjtën punë të kryer si rasti i vazhduar. Nga teorema e vlerës së mesme marrim:

$P_{ef}={\frac {V\cdot I}{2}}$

Shikoni gjithashtu

• Puna mekanike
• Energjia
• Puna virtuale