Gazeta Bujku
Gazeta "Bujku" ishte gazetë e përditshme informative në Kosovë gjatë viteve ‘90, si vazhdim i Gazetës “Rilindja”. U botua në Prishtinë. Kryeredaktor u.d. i gazetës ishte Behlul Jashari, më vonë Avni Spahiu, Binak Kelmendi etj..
| Lloji | Gazetë ditore |
|---|---|
| Formati | Berliner |
| Pronar(ë) | N.Sh.P. Rilindja |
| Botuesi | N.Sh.P. Rilindja |
| Themeluar | 18 janar 1991 |
| Selia | Prishtinë |
Për një periudhë ishte gazeta e vetme ditore në gjuhën shqipe në Kosovë deri në fillimin e publikimit të Gazetës “Koha Ditore” më 1997.
Në fjalën e redaksisë të numrit të parë të 18 janar 1991 të titulluar “Sërish Bujku” thuhet se në numrin e parë gazeta po botohet për të mbushur “boshllëkun e madh informativ që u krijua pas ndalimit të përkohshëm të punës së RTP-së – programit në gjuhën shqipe dhe të gazetës së përditshme Rilindja. [1]
NSH e Revistave brenda Rilindjes po fillonte sërish botimin “si gazetë e përkohshme informative për probleme të fshatit.” “Bujku, prandaj, del sërish e sot si numër i jashtëzakonshëm edhe për shkak të nevojës që edhe lexuesit shqiptarë në Kosovë, në mungesë të gazetës së përditshme, të kenë informacione sa më të gjera e me kohë në gjuhën shqipe për ngjarjen që filloi të tronditë botën - fillimin e luftimeve në Gjirin Persik.[2]
Gazeta për disa vite u bë shtyllë e informimit në Kosovë nën kushtet e shtypjes nga autoritetet serbe të viteve ‘90.