Hapësirë e Blertë
Hapësirë e Blertë është një emision unikal i mediave elektronike shqiptare në RTSH. Konsiderohet si i vetmi program televiziv, dedikuar tërësisht fshatit shqiptar. Emisioni trajton kryesisht probleme të bujqësisë dhe aspekte të ndryshme të jetës së përditshme të banorëve të zonave rurale. Grupi i xhirimit është i pranishëm çdo javë në zona të ndryshme të vendit, nga veriu në jug, nga lindja në perëndim.I realizuar sipas një formati origjinal nga gazetari Marash Mirashi, emisioni sjell në ekran jetën reale të banorëve të fshatit, përvojën dhe traditat e tyre jetësore. Është një nga emisionet më të vjetër të mediave. Ka nje audiencë solide dhe të përcaktuar saktë.
