Ilia Mazniku
Ilia Mazniku mjek shqiptar, ka lindur në Tiranë më 15 gusht 1943.Ishte një personalitet i shquar në fushën e mjekësisë ortopedike dhe sportit në Shqipëri. Ai lindi dhe u rrit në një kohë kur sporti dhe shkencat shëndetësore po fillonin të zhvilloheshin në Shqipëri. Mazniku u bë i njohur jo vetëm për kontributin e tij në mjekësi, por edhe për sukseset e tij si sportist dhe autor i shumë librave të rëndësishëm shkencorë për atletikën dhe shëndetin fizik. [1]
Si sportist, Ilia Mazniku ishte kampion dhe rekordmen në disiplinat e kërcimit së larti dhe garen 110 metra me pengesa. Kontributi i tij në fushën e sportit u vlerësua në një veprimtari homazhi, ku kolegë, miq, dhe ish-shokë nga bota e sportit i ndanë kujtimet dhe respektin për të.
Përveç karrierës së tij si sportist, Mazniku bëri gjithashtu një kontribut të rëndësishëm në fushën e mjekësisë ortopedike. Ai është autor i 18 librave dhe i dhjetëra artikujve shkencorë, duke shkruar për tema të ndryshme që lidhen me përgatitjen fizike dhe shëndetin sportiv. [2]
Vepra e tij më e fundit, "Atletika dhe ansambli i atletëve dinamovitë (1960-1970)", është një libër monumental që shkruan për historinë e atletikës shqiptare dhe kontributin e atletëve të kohës së Dinamos. Libri ofron një kolazh portretesh atletësh të shquar dhe njohuri historike për evoluimin e disiplinave atletike në Shqipëri. U nda nga jeta më 10 maj 2023. [3]