KEDS

KEDS Sh.a.
	Ndërtesa e KEDS dhe KESCO
Lloji	Kompani private
Industria	Energjia elektrike
Themeluar në	2009 (filloi veprimtarinë në 2013)
Zyrat qendrore	Prishtinë, Kosovë
Zona e shërbimit	E tërë Kosova
Njerëzit kyç	Alpin Doğan (kryeshef ekzekutiv)
Owners	Çalık Holding; Limak Holding
Numri i punëtorëve	2000 (2024)
Faqja e internetit	https://keds-energy.com/
	Footnotes / references;

Kompania Kosovare për Distribuim të Energjisë Elektrike, ose KEDS, sh.a^[a], është një kompani në Kosovë e cila ka ekskluzivitetin e shpërndarjes së energjisë elektrike. KEDS është themeluar në vitin 2009, ndërsa ka filluar aktivitetet e saj operative më 8 maj 2013, kur është ndarë përfundimisht nga KEK sh.a. KEDS është pronë e kompanive turke Çalık Holding dhe Limak.

Përmbledhje

KEDS sh.a. në bazë të licencave nga Zyra e Rregullatorit të Energjisë operon me distribuimin e energjisë elektrike. Për të operuar në mënyrë sa më efikase kompania KEDS është e shpërndarë në 7 distrikte me lokacion në shtatë qytetet kryesore të Kosovës dhe në 30 nëndistrikte, ku përfshihen komunat e vendit.

KEDS bën shpërndarjen e energjisë elektrike deri te konsumatori i fundit, menaxhon dhe mirëmban asetet në terren. Në kuadër të KEDS janë të përfshira linjat e Tensionit të Mesëm 35 kV, 20kV,10 kV, 10 kV me mundësi të kalimit në 20 kV, 6 kV dhe 3 kV (kilovolt) së bashku me trafostacionet përkatëse, Trafostacionet 35/10 kV/kV, 10(20)/0.4 kV/kV, 10/0.4 kV/kV, 6/0.4 kV/kV, linjat e Tensionit të Ulët 0.4 kV, si dhe mbi 596 mijë njehsorë individual të konsumatorëve.

KEDS menaxhon me këto asete:

Rrjeti i nivelit 35 kV ka një gjatësi prej 513 km,
Rrjeti i nivelit 10(20) kV ka një gjatësi prej 1,878 km
Rrjeti i nivelit 10 kV ka një gjatësi prej 5,070 km,
Rrjeti i nivelit 6 kV ka një gjatësi prej 50 km,
Rrjeti i nivelit 3 kV ka një gjatësi prej 5 km,
Rrjeti i nivelit 0.4 kV ka një gjatësi prej 20,024 km,
Numri i nënstacioneve të nivelit 35/10 kV është 44,
Numri i nënstacioneve të nivelit 10(20)/0.4 kV është 2,446
Numri i nënstacioneve të nivelit 10/0.4 kV është 2,865 dhe
Numri i trafostacioneve të nivelit 06/0.4 kV është 77.

Shih edhe

Shënime

^ Shkurtesë për emrin në anglisht: Kosovo Energy Distribution Services.

Referime

^ "Profili i KEDS". KEDS. Marrë më 5 maj 2024.

Lidhje të jashtme

Faqja zyrtare

[2] Shkurtesë për emrin në anglisht: Kosovo Energy Distribution Services.

[1] "Profili i KEDS". KEDS. Marrë më 5 maj 2024.

[a]

[1]