Tashmë një këshillues i sigurisë kompjuterike, Kevin Mitnick ka qënë hacker dhe është akuzuar për një seri krimesh. Ai theu sigurinë e kompjuterëve të kompanive tëknologjike dhe të telekomunikacionit më të mëdha në botë si Nokia, Motorola, Fujitsu Siemens dhe Sun Microsystems. Ai e përkufizoi aktivitetin e tij si “Social Engineering” (Inxhinieri Sociale) për të legalizuar veprimet e tij. Ai gjithashtu hack-oi sistemin e transportit të autobuzëve të Los Angeles për të pasur mundësi të udhëtonte falas nëpër qytet me autobuzë. Hack-imi i tij më i madh ishte thyerja e sistemit DEC për të pasur akses në kodin burim të VMS (Virtual Memory System) nga ku ai kishte mundësi të merrte rreth 160’000 $. Ai fitoi privilegjet e plota administrative në mini-kompjuterat e IBM në institutin e edukimit në Los Angeles, vetëm për një bast.