Lëng viçi

Për 1 litër lëng nevojiten:

1,5 kg kocka viçi, të prera
½ këmbë viçi të vogël të ndarë më dysh për së gjati e të përvëluar
200 gr. karota të prera në feta
6 domate të qëruara, e të prera, pa fara
250 ml. verë e bardhë
2 thelpinj hudhra
100 gr. qepë, të prera trashë
150 gr. kërpudha të prera në feta
fletë dafine ose degëz rigoni, presh apo majdanoz).

Artikull i palidhur

Kjo faqe është e palidhur nga faqe të tjera.
Ndihmoni që faqet e tjera me temë të ngjashme të lidhen me të. (Data: shtator 2012)

Përgatitja:

Nxeheni furrën në 220 °C vendosni të gjitha kockat në një tepsi dhe lërini në furrë që të piqen. Sapo të kenë marrë ngjyrë, shtoni karotat, qepët dhe lërini në furrë për akoma 5 minuta. Më pas, duke përdorur një lugë me vrima, vendoseni të gjithë përmbajtjen e tepsisë në një tenxhere të thellë. Derdheni vajin e mbetur në tepsi dhe hidhni në tepsi verën. Kruani me një lugë mbeturinat e djegura dhe përziejini ato me së bashku me verën. Lëreni verën në furrë derisa të avullojë 1/2 e saj dhe në vazhdim shtojeni në tenxhere.

Hidhni në tenxhere 3 litra ujë dhe lëreni në zjarr të fortë derisa të marrë valë. Menjëherë sa te ketë valuar, uleni zjarrin dhe e zieni ngadalë për 10 minuta. Shtoni përbërësit e mbetur dhe ziejeni lëngun për akoma 2 orë e gjysmë, duke hequr herë pas here shkumën e mbledhur në sipërfaqe. Në fund kalojeni lëngun në kullesë dhe lëreni të ftohet mbi akull.