Marrëdhëniet mes Kosovës dhe Singaporit
Marrëdhëniet Kosovë-Singapor janë marrëdhënie të jashtme ndërmjet Kosovës dhe Singaporit.
 Kosova |
 Singapore |
|---|---|
Historia
RedaktoMë 18 shkurt 2008, Ministria e Jashtme e Singaporit lëshoi një deklaratë përmes zëdhënësit të saj në lidhje me shpalljen e pavarësisë së Kosovës: "Singapori është ende duke studiuar çështjen. Ky është një veprim i diskutueshëm që ka shumë pasoja komplekse në të gjithë botën. Situata sipas ligjit ndërkombëtar nuk është e qartë dhe lloji i precedentit që mund të vendoset duhet të vlerësohet me kujdes. Shpresojmë që përpjekjet e ndërmjetësimit ndërkombëtar të vazhdojnë në mënyrë që të gjendet një zgjidhje e pranueshme për të gjitha palët".[1] Sipas Ministrit të Jashtëm serb, Vuk Jeremić, i cili u takua me zyrtarë të Singaporit në gusht 2008, Singapori nuk e ka ndërmend ta njohë Kosovën dhe ai e konsideron deklaratën e njëanshme një precedent të rrezikshëm që mund të shkaktojë paqëndrueshmëri në të gjithë botën.[2] Më 8 tetor, përfaqësuesi i Singaporit në KB tha që ai ishte simpatetik ndaj kërkimit të popullit të Kosovës, pasi ata, me të vërtetë, kishin pësuar trajtim të tmerrshëm në të kaluarën dhe se shumë vende kishin shprehur simpati për një formë të autonomisë për Kosovën. Megjithatë ai tha që deri më sot, Singapori nuk e kishte mbështetur shpalljen e njëanshme të pavarësisë së Kosovës dhe ishte i shqetësuar për precedentin që mund të vendoste. Ai gjithashtu tha se Singapori preferoi që çështja të zgjidhej në mënyrë paqësore nga palët e interesuara. Në një takim të 25 shtatorit 2010 ndërmjet Ministrave të Jashtëm të Kosovës dhe Singaporit, Skënder Hyseni dhe George Yeo, Z. Yeo tha se Singapori kishte qenë në pritje të rezultatit të çështjes së GJND-së para se të merrte një vendim për njohjen e Kosovës. Tani që gjykata ka marrë vendimin e saj, Singapori po e studion atë me shumë kujdes.[3] Në mars 2012, Ministri i Jashtëm i Singaporit, K. Shanmugam, tha që Singapori do ta rishqyrtojë qëndrimin e saj për pavarësinë e Kosovës në dritën e zhvillimeve të fundit atje, dhe në kuadrin e perspektivës së integrimit në BE.[4] Më 26 shtator 2012, Shanmugam tha se Singapori ka një qëndrim shumë pozitiv ndaj shtetit të pavarur të Kosovës dhe do të konsiderojë kërkesën për ta njohur atë.[5] Në shtator 2014, Shanmugam tha që Singapori i konsideron si pozitive zhvillimet në Kosovë dhe theksoi mundësinë e njohjes së Kosovës, nën një proces i cili kërkon më shumë kohë.[6]
Njohja
RedaktoSingapori e njohu Republikën e Kosovës si një shtet të pavarur më 1 dhjetor 2016.[7]
Kosova dhe Singapori vendosën marrëdhënie diplomatike më 1 dhjetor 2016.[8]
Vizitat shtetërore
Redakto- Ministri i Punëve të Jashtme i Republikës së Kosovës, Enver Hoxhaj, vizitoi Singaporin më 23 Janar 2017.[9]
Referime
Redakto- ^ MFA Spokesman's Comments in Response to Media Queries on Kosovo's unilateral declaration of independence Arkivuar 15 prill 2012 tek Wayback Machine , Ministry of Foreign Affairs of Singapore, 2008-02-18
- ^ Singapore to support ICJ initiative Arkivuar 6 tetor 2014 tek Wayback Machine , B92, 2008-08-13
- ^ Minister Hyseni meets Foreign Minister of Singapore, Ministry of Foreign Affairs of the Republic of Kosovo, 2010-09-25
- ^ Haxhinasto in Singapore, conclusion on the agreement for the promotion and protection of investments Arkivuar 17 tetor 2021 tek Wayback Machine, Ministry of Foreign Affairs of the Republic of Albania, 2012-03-07
- ^ Ministri Hoxhaj kërkon njohjen e Kosovës nga Singapori, Ministry of Foreign Affairs of the Republic of Kosovo, 2012-09-26 (in Albanian)
- ^ President Jahjaga met with the Foreign Minister of Singapore, Mr. K. Shanmugam, Office of the President of Kosovo, 2014-09-24
- ^ Singapore Recognizes Kosovo as an Independent State and Diplomatic Relations are Established, Ministry of Foreign Affairs of the Republic of Kosovo, 2016-12-01
- ^ The Government of the Republic of Singapore and the Government of the Republic of Kosovo have established diplomatic relations with effect from 1 December 2016. , Ministry of Foreign Affairs of Singapore, 2016-12-01
- ^ "Hoxhaj visits Singapore: From recognition towards economic cooperation". Ministry of Foreign Affairs – Republic of Kosovo (në anglisht). Marrë më 2017-03-22.