Mary Garrett

Maria Elizabeth Garrett (5 Mars 1854 - 3 Prill 1915) ishte një filantropiste amerikane dhe aktiviste për të drejtën e votës së grave. 

Mary Garrett

Biografia

Fëmijëria

Mary Elizabeth Garrett ka lindur në Baltimore, Maryland më 5 mars 1854. Të dy prindërit e Marisë, John W. Garret dhe Rachel Ann Harrison, vinin nga familje të shquara dhe të pasura të Baltimore. Maria ishte vajza e vetme dhe fëmija më e vogël e John W. Garrett. Ajo ishte fëmija i preferuar i familjes dhe babai i saj shpesh thoshte: "Do të uroja që Maria të kishte lindur djalë!" me sa duket, sepse mendonte se potenciali i Marisë ishte duke u shtypur nga barrierat sociale ndaj grave në atë kohë.

Jeta shkollore dhe vetë-edukimi

Garrett shkoi në shkollën e Miss Kummer kur ishte dymbëdhjetë vjeçare. Në shkollë, ajo u takua me dy mikeshat e jetës, Julia Rebecca Rogers, me nofkën "Dolly" dhe Elizabeth King, me nofkën "Bessie". Që të dyja, si Dolly ashtu dhe Bessie ishin nga familje të njohura dhe të lidhura me familjen Garrett në Baltimore. Dolly ishte vajza e një magnati çeliku dhe u bë pjesë e e repartit ligjor të John W. Garrett pas vdekjes së babait të saj. Maria fillimisht ishte e ngazëllyer për jetën e shkollës dhe e shijonte, por gradualisht u mërzit për shkak të qëndrimeve konservatore të shkollës së saj drejt edukimit të vajzave. Drejtori i shkollës, i cili dikur kishte një marrëdhënie shumë të mirë me Marinë, besonte "në kultivim, jo në kolegj". Gjithashtu, shkolla i kufizoi vajzat nga studimi i shkencës. Në përgjigje të politikës së shkollës kufizuese, të tre vajzat formuan grupin e tyre të studimit për të mësuar shkencën biologjike dhe i bën autopsi një miu që tmerruan të gjithë. E zhgënjyer me përvojat e pakta të arsimit shkollor, Mary la shkollën në moshën shtatëmbëdhjetë vjeç dhe kurrë nuk u kthye në shkollë në vitet në vijim. Ajo preferonte të mësonte veten në shtëpi dhe të lexonte klasikët letrar. Me vetë-edukim, mësoi të fliste rrjedhshëm italisht dhe frëngjisht dhe praktikoi gjermanishten dhe greqishten.