Monedhë për Pavarësinë – 200 lekë

Monedhë për Pavarësinë – 200 lekë Monedhë ari 200 lekë. Në pamjen kryesore të monedhës është vendosur shqiponja dykrenore e flamurit dhe nën të është shkruar vlera emërore 200 lekë. Kjo monedhë bën pjesë në serinë prej tre monedhash të emetuara nga Banka e Shqipërisë me rastin e 100 vjetorit të pavarësisë.

Seria nuk ka kurs ligjor, kjo seri monedhash është shtypur nga kompania SUNSHINE MINTING, INC, Idaho, USA. Vizatimet e kësaj monedhe janë realizuar nga Piktori Petraq Papa.

Pamja e përparme :

Në qendër të monedhës është vendosur shqiponja dykrenare e flamurit që u ngrit në Vlorë. Nën të është shkruar vlera emërore 200 Lekë. Të dyja së bashku japin idenë sikur janë mbështetur mbi kangjellat e ballkonit, vend ku është ngritur flamuri i pavarësisë. Mbi kokën e shqiponjës është shkruar “100 VJET PAVARËSI”. Motivi stilizim i xhufkave (thekëve), që rrethojnë si kornizë flamurin , është përsëritur edhe në këtë krah të monedhës.

Pamja e prapme :

Në qendër të monedhës është vendosur portreti i Ismail Qemalit, poshtë portretit emri i tij. Në të dyja shpatullat e portretit qëndrojnë vitet 1912 dhe 2012, përkatësisht  viti i ngritjes së flamurit në Vlorë dhe ai që shënon 100- vjetorin e Pavarësisë. Si një aureolë, mbi kokë shkruhen me gërma kapitale fjalët “SHQIPËRI – ALBANIA” e mbi to një motiv, stilizim i xhufkave (thekëve), që rrethojnë si kornizë flamurin.

Vlera :

200 Lekë

Pesha :

15,50 gr

Diametri :

25,45 mm

Materiali :

Au 0.917%

Ngjyra :

Verdhë

Forma :

e dhëmbëzuar

Hedhur në qarkullim :

nuk ka kurs ligjor