Mozaiku i bimëve është një sëmundje e bimëve që shkaktohet nga disa viruse të cilat prekin gjethet e ngadonjëherë edhe organet e tjera të bimës, shfaqet me njolla me ngjyrë jeshile të errët, ndonjëherë edhe të zbehtë. Organet shpesh deformohen ose rrudhosen si pasojë e mosrritjes së njëtrajtshme të nervaturave me indet e ndërmjetme. Sëmundjet më të njohura të këtij grupi janë: mozaiku i duhanit, mozaiku i fasules, mozaiku i kastravecit etj. Për mënjanimin e dëmeve mbillen kultivarë të qëndrueshëm. Kohët e fundit përdoret trajtimi termik i fidanëve tek pemët frutore si dhe vaksinimi tek domatja.