Naser Ferri
Naser Ferri(Pejë, Kosovë) është arkeolog dhe historian kosovar.
Biografia Redakto
Prof. dr. Naser Ferri është lindur më 1955 në Pejë në Kosovë.Arsimin fillor dhe të mesëm e fitoi në vendlindje.[1] Studimet e arheologjisë i ka filluar në vitin 1973. në Degën e Arkeologjisë në Fakultetin Filozofik në Zarë të Kroacisë, të cilat të njëjtin vit i ka vazhduar në Fakultetin Filozofik të Zagrebit[2]. U diplomua në vitin 1978., ndërsa në vitin 1987. ka magjistruar.Në vitin 1988. në Degën e Arkeologjisë të Fakultetit Filozofik në Zagreb i është aprovuar teza e disertacionit : "Rimski vojnički natpisi u Gornjoj Meziji", të cilin, për shkaqe objektive, si pasojë e ngajrjeve të luftës në rajon, nuk ishte në gjendje ta mbron në Zagreb dhe e ka mbrojtur në vitin 1997. në Fakultetin Filozofik në Prishtinë. [3]
Në vitin 1979. kishte filluar punën në Sektorin e Arkeologjisë pranë Degës së Historisë së Institutit Albanologjik [3] në Prishtinë ndërsa nga viti 1998. kishte filluar të ligjëroi në Universitetin e Prishtinës, së pari në Fakultet Filozofik e pastaj në Fakultet të Edukimit, dhe në Fakultet të Filologjisë lëndët: Numizmatikë dhe epigrafi, Mitologji e përgjithshme (botërore), Mitologji Shqiptare, Histori e Etnologjisë, Gjuhë latine, Histori e kohës së vjetër, Histori e ilirëve, Histori e artit dhe Histori e Kulturës Shqiptare.
Që nga viti 2003. është Këshilltar Shkencor në Institutin Albanologjik të Prishtinës[4], ndërsa në vitin 2004. është zgjedhur Profesor i rregulltë në Universitetin e Prishtinës. Është autor i katër veprave shkencore në gjuhë shqipe dhe të një vepre shkencore në gjuhë kroate si dhe i rreth 100 studimeve shkencore dhe një numri të konsiderueshëm të artikujve, recensioneve e të ngjashme në gjuhë shqipe, kroate, italiane, gjermane dhe angleze. Pos në revista shkencore në Kosovë, studimet e veta shkencore i ka publikuar edhe nëpër revista prestigjioze evropeiane: Arheološki Vestnik Ljubljana (Slloveni), Opuscula Archaeologica Zagreb (Kroaci), Histria Antiqua Pula (Kroaci), Živa Antika Skopje (Maqedoni e Veriut), Godišnjak CBI ANUBiH Sarajevo (Bonje e Hercegovinë), Tibiscum Caransebeş (Rumani), Dardania Wien (Austri), Classica et Christiana, editată de Centrul de Studii Clasice şi Creştine a Universităţii din Iaşi (Rumani), si dhe në shumë përmbledhje punimesh nga Konferencat dhe Simpoziumet Ndërkombëtare të mbajtura në: Pejë, Prishtinë, Prizren (Kosovë), Žalec(Slloveni), Bled(Slloveni), Pulla (Kroaci), Zagreb (Kroaci), Tiranë (Shqipëri), Split (Kroaci), Caransebeş (Rumani), Ferrara (Itali), Doha (Qatar) e tj.
Ka marrë pjesë aktive me kumtesa në një sërë kongresësh, simpoziumesh e tubimesh të tjera ndërkombëtare shkencore në Kroaci, Slloveni, Itali, Rumani, Qatar. Po ashtu ka realzuar mjaft qëndrime studimore në Itali, Gjermani, Hungari, Slloveni, Kroaci, Turqi.Prej vitit 2010. është anëtar i rregulltë i Shoqatës Sllovene të Arkeologëve (SAD-Slovensko Arheološko Društvo Ljubljana). Në vitin 2010. ka mbajtur një cikël ligjëratash ne Akademinë e Shken¬cave dhe të Arteve të Sllovenisë në Lubjanë (SAZU-Slovenska Akademija Znanosti in Umetnosti), ndërsa në vitin 2014. ka mbajtur një cikël ligjëratash në Universitetin e Zagrebit në Kroaci (Sveučilište u Zagrebu).
Prej vitit akademik 2019/2020 është i angazhuar në cilësi të mentorit në studimet e doktoraturës në Fakultetin Filozofik të Universitetit të Zarës në Kroaci (Filozofski fakultet Sveučilišta u Zadru). Prof.dr. Naser Ferri merret me arkeologji, histori të kohës së vjetër, histori të ili¬rëve, epigrafi latine, mitologji, etnoarkeologji dhe histori të artit dhe njeh gju¬hët: italiane, angleze, kroate dhe latine. Në vitin 2017. Prof. Dr. Naser Ferri ishte propozuar nga Instituti Albano¬lo¬gjik i Prishtinës me përkrahjen e kolegëve eminentë nga fusha e arkeologjisë nga Kro¬a¬cia, Italia e Rumania për anëtar të Akademisë së Shkencave dhe Arteve të Ko¬sovës (ASHAK), ndërsa në vitin 2019. po ashtu nga Instituti Albanologjik është propozuar për çmimin për veprimtari jetësore “Dea Dardanica” që e ndanë Ministria e Kulturës Rinisë e Sportit e Kosovës. Prej vitet 1999. deri më 2005. Prof. Ferri ishte anëtar i Redaksisë së revistës “Dardania Sacra” të Prishtinës[5], e nga viti 2013. i Redaksisë të revistës “Gjurmime Albanologjike, Seria e Shkencave Historike” të Institutit Albanologjik të Prishtinës, ndërsa që nga viti 2019. është Kryeredaktor i kësaj reviste. Jeton dhe vepron në Prishtinë. Politikisht është i paangazhuar.
Lista e botimeve të veçanta Redakto
• Statusi shoqëroro ekonomik i të liruarëve në provincën romake Moesia Superior" (The Social and Economic status of Freedmen in the Roman province Moesia Superior), Instituti Albanologjik i Prishtinës, Prishtinë 1996, 262 f.[6]
• Monumentet ushtarake të periudhës romake në Mezi të Epërme" (Military monuments from roman period in Upper Moesia), Dukagjini Pejë, 2001, 386 f.[7]
• Mythologia Viva-Mitologjia e gjallë", Instituti Albanologjik i Prishtinës, Prishtinë 2012, 432 f.
• Živa mitologija-Living Mythology", Zagreb 2015, 352 f.(është botuar në gjuhë kroate me financim të Qeverisë së Republikës së Kroacisë)[8]
• Peja gjatë antikitetit-Peja during Antiquity, Instituti Albanologjik i Prishtinës, Prishtinë 2019, 396 f.[9]
Referime Redakto
- ^ "Kopje e arkivuar". Arkivuar nga origjinali më 24 janar 2022. Marrë më 3 janar 2021.
{{cite web}}: Mungon ose është bosh parametri|language=(Ndihmë!)Mirëmbajtja CS1: Archived copy si titull (lidhja) - ^ "Kopje e arkivuar". Arkivuar nga origjinali më 21 janar 2021. Marrë më 3 janar 2021.
{{cite web}}: Mungon ose është bosh parametri|language=(Ndihmë!)Mirëmbajtja CS1: Archived copy si titull (lidhja) - ^ Naser Ferri: Štovanje domaćih i uvezenih božanstava u nastambama i na javnim mjestima u rimskoj Dardaniji, Histria Antiqua, 20/2011
- ^ "Kopje e arkivuar". Arkivuar nga origjinali më 23 prill 2021. Marrë më 3 janar 2021.
{{cite web}}: Mungon ose është bosh parametri|language=(Ndihmë!)Mirëmbajtja CS1: Archived copy si titull (lidhja) - ^ https://www.ceeol.com/search/article-detail?id=874110
- ^ https://www.academia.edu/1620831/_Statusi_shoq%C3%ABroro_ekonomik_i_t%C3%AB_liruar%C3%ABve_n%C3%AB_provinc%C3%ABn_romake_Moesia_Superior_The_Social_and_Economic_status_of_Freedmen_in_the_Roman_province_Moesia_Superior_Instituti_Albanologjik_Institute_of_Albanian_Studies_Prishtin%C3%AB_1996_p_262
- ^ https://www.academia.edu/1620845/_Monumentet_ushtarake_t%C3%AB_periudh%C3%ABs_romake_n%C3%AB_Mezi_t%C3%AB_Ep%C3%ABrme_Military_monuments_from_roman_period_in_Upper_Moesia_Biblioteka_Fryma_n_39_Dukagjini_Pej%C3%AB_2001_p_386
- ^ https://www.academia.edu/25358465/%C5%BDiva_mitologija_Living_Mythology_Zagreb_2015_p_350
- ^ https://www.academia.edu/42378758/Peja_gjat%C3%AB_antikitetit_Peja_during_Antiquity_Instituti_Albanologjik_Institute_of_Albanian_Studies_Prishtin%C3%AB_2019_p_396