Osman Zymi

Osman Zymi (1900 - 1954) ishte njëri prej fotografëve të parë në Mitrovicë, Kosovë.

Biografia

Osman Zymi u lind në vitin 1900 dhe konsiderohej si një nga pionierët e fotografisë në rajonin e tij. Ai rrjedh nga një familje e jugut të Shqipërisë, e cila më vonë u shpërngul në qytetin e Gjakovës. Në Gjakovë, mbiemri i familjes së tij ndryshoi nga Kryeziu në Haxhi Hasani, dhe më pas ai u zhvendos në Mitrovicë. Në vitin 1925, Osman Zymi hap studion e tij të fotografisë në Mitrovicë, e quajtur “Foto Atelie”, duke filluar kështu një rrugëtim të rëndësishëm në fushën e fotografisë në Kosovë.

Ai ishte aktiv në atdhetarizmin shqiptar dhe u persekutua nga regjimi serb, veprimtaria e tij e cila u bë shkak për të detyruar ta lë Mitrovicën gjatë Luftës së Dytë Botërore. Pas këtë arsye, ai u largua për në Suhodoll. Gjatë kësaj kohe, ai ndryshoi mbiemrin e tij nga Haxhi Hasani në Zymi. Megjithatë, pas përfundimit të luftës, Osman Zymi u kthye në Mitrovicë dhe vazhdoi punën e tij si fotograf. Studio e tij e fotografisë ishte një pikë e rëndësishme për dokumentimin e jetës dhe ngjarjeve të kohës së tij në Mitrovicë dhe Kosovë. Ai kishte katër djem që e ndihmuan në drejtimin e studios fotografike.

Osman Zymi nuk ishte vetëm një fotograf i zakonshëm; ai u bë i njohur për fotografitë e tij të personaliteteve të njohura të kohës, duke përfshirë patriotët më të njohur gjatë Luftës së Dytë Botërore. Fotografitë e tij mbeten një dëshmi e rëndësishme e kohës së tij, duke ruajtur historinë dhe kujtimet e asaj periudhe për brezat e ardhshëm. Osman Zymi ndërroi jetë në vitin 1954 në moshën 54 vjeçare, por kujtesa e kontributit të tij vazhdon të jetë e gjallë si një pjesë e rëndësishme e trashëgimisë kulturore në Kosovë.

Shih edhe

• Mitrovica