Përndjekja e homoseksualëve në Gjermaninë naziste

Pas ngritjes së Adolf Hitlerit dhe Partisë Nacional Socialiste Gjermane (Partia Naziste) në Gjermani, meshkujt homoseksualë ashtu si edhe femrat lezbike, ishin dy nga grupet e shumta të shënjestruara nga nazistët dhe përfundimisht ishin ndër viktimat e Holokaustit. Duke filluar nga viti 1933, organizatat homoseksuale dhe ato lezbike u ndaluan, librat për studime mbi homoseksualitetin dhe seksualitetin në përgjithësi (sikurse edhe Institut für Sexualwissenschaft, i cili drejtohej nga aktivisti i të drejtave të homoseksualëve hebrenjë Magnus Hirschfeld) u dogjën dhe homoseksualët brenda vetë Partisë Naziste u vranë. Gestapo përpiloi listat e homoseksualëve, të cilët u detyruan të përputheshin seksualisht me "normën gjermane".

Mes viteve 1933 dhe 1945, rreth 100,000 njerëz u arrestuan si homoseksualë, nga të cilët rreth 50,000 u dënuan zyrtarisht. Shumica e këtyre njerëzve qëndruan në burgje të rregullta dhe rreth 5,000 deri në 15,000 të dënuar u burgosën në kampet e përqendrimit nazist. Është e paqartë se sa nga 5.000 deri në 15.000 vdiqën në kampe, por studiuesi kryesor Rüdiger Lautmann beson se shkalla e vdekjeve të homoseksualëve dhe lezbejkave në kampet e përqendrimit mund të ketë qenë deri në 60%. Homoseksualët dhe lezbejkat në kampe u trajtuan në një shkallë të pazakontë mizorie.

Pas përfundimit të Luftës së Dytë Botërore, trajtimi i homoseksualëve dhe lezbejkave në kampet e përqendrimit nuk u pranua nga shumica e vendeve dhe disa burra u arrestuan përsëri dhe u burgosën në bazë të dëshmive të gjetura gjatë viteve naziste. Madje deri në vitet 1980 qeveritë nuk e pranonin këtë episod dhe aspekt të lugtës, dhe deri në vitin 2002 qeveria gjermane nuk i kërkoi falje komunitetit homoseksual. Megjithatë, kjo periudhë ende provokon kundërshti. Në vitin 2005, Parlamenti Europian miratoi një rezolutë mbi Holokaustin me të cilën përfshinte edhe persekutimin e homoseksualëve.

Shih edhe

• Holokausti
• Lëvizja Anti-Duhan në Gjermaninë Naziste
• Përndjekja e gjermanëve pas Luftës së Dytë Botërore

Lidhje të jashtme

 Commons: Përndjekja e homoseksualve dhe Holokausti – Album me fotografi dhe/apo video dhe materiale multimediale

• Becker le marqué, Quasimodo
• "Nazi Persecution of Homosexuals". United States Holocaust Memorial Museum. Arkivuar nga origjinali më 2009-09-03. {{cite web}}: Mungon ose është bosh parametri |language= (Ndihmë!)
• Official Site Of German Government's Memorial For Gay Victims of the Holocaust in Berlin
• Pierre Seel – An Account of a Gay Holocaust Survivor