Parada e Shkupit

Parada e Shkupit (Skopje Pride) është një manifestim për të mbështetur të drejtat e komunitetit LGBTI+. Parada e parë LGBTI+ u zhvillua në 29 qershor 2019. Kjo paradë u organizua prej “National Network Against Homophobia and Transphobia”, në parkun Woman Warrior në qendër të kryeqytetit.

Më shumë se 1.000 aktivistë, pjesëtarë të komunitetit, si dhe mbështetës të të drejtave të komunitetit LGBTI+ marshuan në Paradën e parë të zhvilluar në Shkup. Maqedonia e Veriut është një nga shtetet e fundit në rajonin e Ballkanit që ka zhvilluar një paradë. Paralelisht me paradën, me qindra mbështetës prej organizatave të ekstremit të djathtë organizuan përballë katedrales Ortodokse një protestë kundër paradës, duke theksuar promovimin e vlerave të familjes tradicionale.

Parada pati pjesëmarrjen e zyrtarëve, diplomatëve si dhe politikanëve, duke përfshirë këtu Ministrin e Mbrojtjes Radmila Shekerinska si dhe Ministren e Punëve dhe cështjeve sociale, Mila Carovska. Diplomatë të shumtë ofruan mbështetjen e tyre duke marrë pjesë në paradë.

AKtivisti maqedonas për të drejtat LGBTI+ nga Komiteti i Helsinkit për të drejtat e njeriut, Koco Andonovski u shpreh se numri i pjesëmarrësve në paradë i tejkaloi parashikimet duke shënuar rekordin e më shumë se 1.000 pjesëmarrësve.

Konteksti politik

Një koalicon pro-BE i udhëhequr prej Social demokratëve dhe partnerëve etnik shqiptarë është përpjekur të përmirësojë situatën e të drejtave LGBTI+ në Maqedoninë e Veriut, pasi zëvendësuan partinë konservatore në 2017.