Petrit Selimi

Petrit Selimi (1979) është emëruar në qershor 2011 si Zëvendës Ministër i Punëve të Jashtmë të Republikës së Kosovës.

Para se t’i bashkangjitej MPJ’së, Selimi ishte kandidat për ulëse parlamentare për PDK’në në zgjedhjet kombëtare 2010. Më herët ka punuar nga 2006 deri më 2010 si konsulent privat në fushën e marrëdhënieve me publik dhe analist i rreziqeve politike, dukë këshilluar institucione dhe kompani si Ministria e Punëve të Jashtme të Norvegjisë, IPKO, Telenor ASA, RWE AG, Reiffeisen Investment, Lazard, etj.

Nga 2005-2006 Selimi ishte një nga themeluesit dhe Drejtori i parë ekzekutiv i të përditshmes Express së botuar në Prishtinë. Iu bashkangjit Expressit pas punës si këshilltar medial në IPKO.org (2000-2003) dhe Misionin e OSBE’së (2003-2004)

Selimi ka qenë aktiv edhe si veprimtar për të drejtat e fëmijëve dhe të rinjëve, duke qenë një nga themeluesit e “Postpesimistëve”, rrjetit të parë të OJQ’ve rinore nga ish-Jugosllavia (1992-1998). Ishin edhe fitues të Cmimit të OKB’së për Paqë dhe Tolerancë.

Në vitet e shkuara ka shërbyer edhe si Anëtar i Bordit të Drejtorëve të Fondacionit Soros në Kosovë dhe Fondacionit Ballkanik për të Rinjë të Presidentit Ahtisaari.

Flet rrjedhshëm shqipen, anglishten, norvegjishten dhe serbo-kroatishten. Selimi ka bachelorin e përfunduar në Antropologji Sociale nga Universiteti i Oslos dhe është para diplomimit në MSC në universitetin prestigjioz LSE, si bursist i Chevening.

Më 2014, Kardinali Martino i Selisë së Shenjtë ka dekoruar Selimin me urdhëri e kalorësisë së Konstantinit të Shenjtë, për kontributin e Selimit për dialogun ndërfetar.

Referime

Ministria e Jashtme Profil

Lidhje të jashtme

• Profile of Petrit Selimi in Time Magazine 2005 Arkivuar 5 nëntor 2012 tek Wayback Machine
• Petrit Selimi's columns in Daily Express
• Article on Selimi in Dutch webzine
• Interview with Selimi in Balkan Insight magazine, published by BIRN
• Interview with Selimi in Express daily newspaper
• Home page of the comic's inspired cafe, founded by Petrit Selimi
• Blog page of Petrit Selimi, in Kosovotwopointzero, Kosovo's blog generator