Pol Pot
Saloth Sar (* 19 maj 1925 në Kampong Thom, Kamboxhia; † 15 prill 1998 në Anlong Veng) i nohur gjeësisht si Pol Pot,ishte lideri i lëvizjes komuniste në Kamboxhia, Kmreve të Kuq (Khmer Rouge) dhe kryeministër i Kamboxhias në vitet 1976-1979. Lideri i Kmerëve të Kuq ishte përgjegjës për torturën dhe vrasjen e miliona bashkëkombësve kamboxhianë. Pavarësisht një jete të zhytur në krime, vdiq paqësisht në shtrat, pa u përballur asnjë ditë me akuza e gjyqe. E megjithatë, duke pasur parasysh popullsinë e Kamboxhias, ai i orkestruar nga Pol Pot-i konsiderohet si gjenocidi më i madh në histori.
 | |
| U lind në | 19 maj, 1925 |
| Vdiq | 15 prill 1998 Anlong Veng |
| Kombësia | Kamboxhias |
| Profesioni | Gjeneral,Sekretar,Politikan,President |
Fushatat e vdekjes
Redakto
Në vitet 1975-1979, gjatë sundimit të Pol Potit, u vranë 2 milionë njerëz nga popullsia 7 milionëshe e Kamboxhias. Duke i llogaritur në përqindje popullsie, vrasjet e Pol Potit, i cili ëndërronte të krijonte një shtet komunist të përsosur, ishin më të mëdha se ato të Hitlerit e Stalinit. Objektivi kryesor i Pol Potit ishin doktorët, inxhinierët e shkencëtarët, me pak fjalë, intelektualët e vendit. Ai i vriste ata pa mëshirë. Madje ishte dhënë edhe urdhër që të vritej "kushdo që mbante syze". Si pasojë e këtyre vrasjeve çnjerëzore, u shfaqën "fushat e vdekjes" që zgjatën me vite. Logjika që përdornin oficerët e Kmerit të Kuq për të justifikuar masakrat e tyre përmblidhej me këto fjalë: "Po të të mbajmë, nuk fitojmë gjë. Po të të humbasim, nuk humbasim gjë." Ata vranë këdo që e konsideronin apo edhe dyshonin se ishte i padobishëm dhe i dëmshëm. Të paktën një pjesëtar nga çdo familje ka humbur jetën në këto masakra.
Pol Poti, për të cilin jeta e njeriut s'vlente asgjë, besonte se familja i zinte rrugën vizionit të tij radikal për Socializmin. Ai u përpoq ta hiqte qafe idenë e familjes, duke i përçarë familjet e duke i detyruar njerëzit të jetonin në vende të përbashkëta. E njëjta politikë ishte zbatuar nga Stalini në Rusi. Në fillim u morën tokat fshatarëve, pastaj u dhanë parcela të vogla toke në zona të shpërndara qëllimisht dhe shumë larg njëra-tjetrës. Si rezultat, me qëllim që një familje të punonte arat e saj, të ndara në parcela të vogla toke, pjesëtarët e familjes detyroheshin të jetonin të ndarë nga njëri-tjetri.