Qendra Kulturore ASA

QENDRA KULTURORE ASA LOGO

ASA (Arte Stilim Arkitekturë) është një qendër kulturore për promovimin, zhvillimin dhe kualifikimin e të gjithë talenteve të reja.

Themelimi

ASA u themelua në 1 maj 2012.

Qendra Kulturore ASA është i pari organizim rinor i këtij lloji përsa i përketë bashkimit të studentëve dhe profesionistëve të rinjë në fushën e Arteve Figurative, Stilimit dhe Arkitekturës nga Shqipëri,Kosova, Maqedonia, Mali I Zi dhe gjithë Europa.

Misioni i saj është bashkimi dhe shkëmbimi i eksperiencave midis studentëve dhe profesionistëve të rinj, promovimi i aftësive krijuese të secilit anëtar.

ASA funksionon me një program të vetin i cili synon organizimin e evenimenteve të ndryshme si ekspozita, konkurse, koloni arti, sfilata, workshop,seminare etj.

• ASA funksionon mbi baza tërsisht vullnetare.

Organizimi

Për organizimin, realizimin dhe promovimin e këtyre evenimenteve funksionojnë dy skuadra pune:

 * Stafi Organizativ (SO)
 * Stafi Ekspozues (SE)

dhe katër sektor:

Sektor

• Sektori i Arteve Figurative (SAF)
• Sektori i Stilimit (SS)
• Sektori i Arkitekturës (SA)
• Sektori i Gazetarisë, Informacionit dhe Teknologjisë (SGIT)

Ajo përbëhet nga:

*Olger Rakipllari – Drejtor Artistik
*Bukurie Ozuni - Administratore e Përgjithshme
*Kolë Nikja - Përfaqësues Juridik

Aktivitete

Aktivitetet e Qendrës Klubi ASA - Arte Stilim Arkitekturë

• 1 maj 2012 "Ekspo ASA"

Ekspo ASA titullohej ekspozita e parë me rastin e Themelimit të Klubit.

• 24 nëntor 2012 " 100 Vjet Pavarësi 100 Punime Artistike "

Titullohej konkursi I zhvilluar në ambientet e Tirana Ekspres për nder të 100 vjetorit të pavarsisë në të cilën u organizua një ekspozitë me piktura dhe makete arkitekture gjithashtu dhe një sfiladë mode.

• 1 maj 2013 "Ekspo dhe Stil ASA 2

Me rastin e përvjetorit të parë të Klubit u organizuan dy aktivitete, aktiviteti i parë ishte ekspozita e pikturës dhe arkitekturës e cila me mbështetjen e Ministrisë së Kluturës u zhvillua në ambientet e Muzeut Historik Kombëtar. Ndërsa aktiviteti I dytë ishte sfilata e modës e cila u zhvillua në ambientet e Akademisë së Filmit dhe Multimedias Marubi.

• 1 maj 2013 Revista ASA

Gjithashtu Qendra Klubi ASA që prej përvjetorit të parë të klubit ka publikuar dhe Revistën ASA, e para revistë rinore që promovon studentë dhe profesionistët e rinj të Arteve Figurative, Stilimit dhe Arkitekturës në Shqipëri dhe mbarë trevat Shqipfolëse. ASA deri më tani ka botuar dy numrat e parë të Revistës ASA.

• 23-29 shtator 2013 Festivali Ndërkombëtar për të Drejtat e Njeriut- IHRFFA VIII
• 23 shtator 2013 “ Ekspozitë Pikture & Arkitekture ”

Ishte ekspozita e pikturës dhe arkitekturës ajo që bëri hapjen e edicionit të 8 të Festivalit Ndërkombëtar për të Drejtat e Njeriut në Shqipëri ku artistët dhe arkitektët pjesmarrës prezantuan punimet e tyre me temë mbi të Drejtat e Njeriut.

• 26 shtator 2013 “ Show Performancë ”

“Kundra Dhunës Ndaj Grave” ishte tema që stilistët pjesmarrës kishin punuar për të zhvilluar një show performancë për publikun qe ndoqi Festivalin e Filmit, duke përcuar mesazhe të forta nga balerinat dhe modelet dhe që aktruan mbi skenë.

• 25 tetor 2013 “Ekspozitë dhe Show Performance në Prishtinë

U zhvillua ekspozita e parë në ambientet e Bibliotekës Kombëtare dhe Universitare të Kosovës, si një rrugëtim i ekspozitës dhe show performancës së zhvilluar gjatë javës së IHRFFA në edicionin e tetë të saj, ku morën pjesë dhe shumë artistë të rinj, gjithashtu u zhvillua dhe ceremonia e shpërndarjes se certifikatave.

• 1 maj 2014 "Ekspo Stil Arki ASA 3

Me rastin e 2-vjetorit të qendres kulturore ASA u organizuan dy aktivitete njëkohësisht , aktiviteti i parë ishte ishte sfilata e modës ndërsa aktiviteti i dytë ekspozita e pikturës dhe arkitekturës e cila me mbështetjen e Tirana Ekpsres u zhvillua në ambientet e saj.

Referime

Lidhje të jashtme

http://klubiasa.org/